Г.Аюурзана: Мөнгөн тэмдэгт Чингис хаан, Д.Сүхбаатар хоёрын дүрээр хязгаарлагддаг нь хачирхалтай

Зохиолч, яруу найраг Г.Аюурзана Монгол Улсын мөнгөн тэмдэгтүүд дээр монголчуудын оюун санааны бахархал болсон хүмүүс байх ёстой. Мөнгөн дэвсгэртээрээ дамжуулан оюун санааны их түүчээ болсон хүмүүсийг сурталчлах хэрэгтэй хэмээн өөрийн цахим хуудаснаа оруулжээ. Тэрбээр “Монгол Улсын үндэсний мөнгөн тэмдэгт Чингис хаан, Д.Сүхбаатар хоёрын л дүрээр хязгаарлагддаг нь хачирхалтай. Уг нь монголчуудын оюун санааны бахархал болсон хүмүүс цөөнгүй бөгөөд байнгын хэрэглээний мөнгөн дэвсгэртээрээ дамжуулан тэднийгээ сурталчилдаг сан бол эх оронч үзэл, үндэстний бахархалд чухам л хэрэгтэй сэн. Тухайлбал, Инжаннашийн хөрөг бүхий 100-т, Нацагдоржийн хөрөг бүхий 500-т, Мянгатын хөрөг бүхий 1000-т, Өгөдэй хааны хөрөг бүхий 5000-т, Хубилай хааны хөрөг бүхий 10 000-т, Чингис хааны хөрөг бүхий 20 000-т гэхчлэн хөвөрдөг бол мөн ч сонирхолтой, мөн ч гайхалтай яа” хэмээжээ.

Энэ мэдээнд өгөх таны үнэлгээ

Хуваалцаарай Жиргээрэй