Итали: Европын хамгийн халуун /+48,8/ бүртгэгдлээ

Италийн Сицил арал дээр 1977 оноос хойш Европын хамгийн өндөр температур бүртгэгдлээ. Агаарын температур 48,8-д хүртэл халсан талаар Сицилийн цаг уурын мэдээллийн төвөөс мэдээлэв.

Италид ийнхүү халсан нь Дэлхийн дээд амжилтыг эвдсэн бөгөөд Дэлхийн цаг уурын байгууллагын мэдээлснээр, 1977 оны долдугаар  сараас хойш ажиглагдсан үзэгдэл.

Үүний сацуу, Грекийн нийслэл Афин хотод  агаарын температур +48-д хүртэл халжээ.

Шинэ дээд амжилт орон нутгийн цагаар 13:14 цагт Сицилийн зүүн өмнөд хэсэгт орших Сиракуз хотын ойролцоох цаг уурын станцад бүртгэгджээ. Үүний зэрэгцээ агаарын чийгшил харьцангуй бага буюу 10 хувьтай гарчээ.

Албан бус бүртгэлээр агаарын хамгийн халуун өмнө нь мөн л Сицилийн арал дээр бүртгэгдэж байсан талаар Италийн Хэвлэл Мэдээллийн Хэрэгслүүд онцлов. Өмнө нь, 1999 оны наймдугаар сард Энна мужийн Катенануова хотод агаарын температур +48,5-д хүрч байжээ.

Италид ийнхүү агаарын халуун давалгаа Африкийн “Люцифер” хэмээх антициклон орж ирсэнтэй холбоотой гэж цаг уурчид мэдээлэв.

Халуун нь агаарын өндөр чийгшил, Нарны цацраг, бүгчим агаарын урсгалыг дагуулдаг сөрөг нөлөөтэй. Энэ нь хүний эрүүл мэндэд муугаар нөлөөлөх аюултай.

Италийн 27 том хотын 10-т нь цаг агаарын эрсдлийн хамгийн өндөр “улаан” түвшин өчигдөр пүрэв гариг /2021.08.12/-т бүртгэгдлээ. Өнөөдөр баасан гараг /2021.08.13/-т Ром, Флоренс, Бари гэх зэрэг 15  хотууд “улаан” ангилалд багтжээ.  

Италийн Эрүүл Мэндийн Яамнаас цаг агаарын аюулын “улаан” түвшинд хүрсэн нь онцгой байдал зарлахад ч хүргэж магадгүй төлөвтэй байна. Энэ нь эрүүл мэндийн хувьд асуудалтай хүмүүст төдийгүй эрүүл болон эрүүл амьдралын хэв маягтай хүмүүст ч сөргөөр нөлөөлөх эрсдэлтэй байгаа аж.

(Эх сурвалж: ria.ru)

Энэ мэдээнд өгөх таны үнэлгээ

Хуваалцаарай Жиргээрэй