Таны хүүхэд сургууль цэцэрлэгтээ явах дуртай болохын тулд та өөрийнхөө зүгээс сургууль цэцэрлэгтэй холбоотой эерэг холбоог бий болгох чухал. Харин аав ээжүүд сургууль цэцэрлэгээс хүүхдээ авахдаа:
- Багш нь зодсон уу? Загнасан уу?
- Хүүхэд зодсон уу? Дээрэлхсэн үү? гэх мэтчилэн сөрөг холбоог бий болгох асуултуудыг асуудаг.
Ерөнхий асуулт асууж ерөнхий хариултыг авдаг / бид хүүхэдтэй тэр бүр их цаг өнгөрүүлэх боломж хомс тул энэ үеийг хүүхэдтэй харилцах харилцааг дотно болгоход ашиглаарай/.
Үүний оронд доорх асуултуудаас асуугаарай:
- Хамгийн-хамгийн. Өнөөдөр #ямар_тоглоом хамгийн гоё байсан бэ? /ямар хичээл, ямар багш гэх мэт/.
- Хэзээ хамгийн их #баярласан бэ? /гунигласан, гайхсан, уурласан,айсан,догдолсон… /
- Ямар хариу үйлдэл үзүүлсэн бэ?
- Оновчтой байсан уу?
- Юу хийж болох вэ? /та өөр аргуудаас зааж өгөөрэй
- Өнөөдөр хэнд “баярлалаа” гэж хэлсэн бэ? Яагаад талархсан бэ?
- Өнөөдөр хэн нэгэнд тусалсан уу? Яаж тусалсан бэ?
- Өнөөдөр багш нь шинэ зүйл зааж өгсөн үү? Гэртээ очиж байгаад харуулаарай
- Өнөөдөр найзаасаа #шинэ_зүйлд суралцсан уу? /үсрэх, бүжиглэх, уучлалт гуйх, гадаад үг, мэдэхгүй зүйлээ асуухаасаа айхгүй байх/
- Өнөөдөр идсэн хоол амттай байсан уу?
- Өнөөдөр юу хэцүү байсан бэ? /Хэцүү зүйл хийх тусам чи илүү ухаантай болжбайгаа болохоор чамаар бахархаж байна/
- Өнөөдөр алдаа гаргасан уу? Энэ алдаанаасаа юу суралцаж болох вэ?
- Өнөөдөр хэнтэй хамт #тоглосон бэ? /хичээлээ хийсэн, ярилцсан.../Та юун дээр илүү төвлөрнө. Тэр зүйлийг хүүхэд илүү их хийнэ.
Эх сурвалж: Сэтгэл зүйч Г. Хулан
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.