Улсын хоёрдугаар төв эмнэлэг, Монголын интервеншналь радиологийн нийгэмлэгтэй хамтран өндөр давтамжит радио долгионоор хавдрыг түлэх эмчилгээний “Мастер класс 2021” сургалтыг аравдугаар сарын 27-29-ны өдрүүдэд зохион байгуулжээ.
Өндөр давтамжит радио долгионоор түлэх эмчилгээ буюу Radio frequency ablation (RFA) эмчилгээ нь зовиур багатай ялангуяа элэг, бөөр, уушиг, бамбай булчирхай, нойр булчирхай, умайн хавдруудыг бүрэн эмчилж эдгээх боломжтой орчин үеийн дэвшилтэт технологи юм.
Уг эмчилгээг одоогоор улсын хэмжээнд нэгдүгээр төв эмнэлэг, хавдар судлалын үндэсний төв, хоёрдугаар төв эмнэлгүүдэд хийдэг
Уг эмчилгээг одоогоор улсын хэмжээнд нэгдүгээр төв эмнэлэг, хавдар судлалын үндэсний төв, хоёрдугаар төв эмнэлгүүдэд хийдэг бөгөөд “Мастер класс 2021” сургалт явуулснаар цаашид нийслэлийн дүүргийн болон хувийн эмнэлгүүд төдийгүй орон нутагт хийх боломжийг бүрдүүлж чадах юм.
Энэхүү сургалтыг цаашид цуврал байдлаар тодорхой давтамжтай явуулах бөгөөд хавдрын эмчилгээний нэр төрлийг нэмэгдүүлж төвлөрлийг сааруулахад ач холбогдолтой учраас ЭМЯ бодлогоор дэмжихээ илэрхийлсэн.
Сургалтын онцлог, давуу тал нь бодит орчинд зохиомол эрхтэн дээр гардан дадлага хийхээс гадна шууд дамжуулалтаар эмчилгээний явцыг харах боломжтой юм. Сургалтын 50 хувьд онолын буюу лекцийн хэсэг багтах бөгөөд БНСУ-н Самсунг, Анам эмнэлгийн дэлхийн нэр хүндтэй профессорууд цахим лекцийг суралцагч нарт өгөхөөр төлөвлөсөн байна хэмээн ЭМЯ-наас мэдээллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.