ОХУ-ын Ерөнхийлөгч Владимир Путин, АНУ-ын Ерөнхийлөгч Жо Байден нар утсаар холбогдсон байна. Тэдний яриа 50 минут үргэлжилсэн талаар Цагаан ордны хэвлэлийн албанаас мэдээлэв.
Америкийн 15.35 цагт буюу Москвагийн цагаар арванхоёрдугаар сарын 30-ны 23.35 цагт яриа эхэлсэн гэж мөн Цагаан ордон мэдэгдэв.
Америкийн талын мэдээлснээр, Владимир путин, Жо Байден нар удахгүй болох Орос-Америкийн дипломат харилцаа тогтоосны ой, мөн 2022 оны нэгдүгээр сарын 10-нд хийхээр төлөвлөж буй Америк-Оросын яриа хэлэлцээнээс гадна нэгдүгээр сарын 12-нд болох НАТО, Европын Аюулгүй Байдал, Хамтын Ажиллагааны Байгууллага /ЕАБХАБ/-ын сайд нарын зөвлөлийн ОХУ-тай хийх уулзалтын талаар хэлэлцсэн аж.
Керемлийн хэвлэлийн төлөөлөгч Дмитрий Песков мэдэгдэхдээ, хоёр орны удирдагчид өмнөх яриа хэлэлцээний асуудлууд, мөн нэгдүгээр сарын 10, 11, 12-нд хийхээр төлөвлөсөн яриа хэлэлцээний талаар үргэлжлүүлэн хэлэлцсэн байна.
Хэлэлцээг ОХУ-ын Ерөнхийлөгч санаачилсан гэж эх сурвалж онцлов.
Энэ удаагийн хэлэлцээ нь ОХУ, АНУ-ын удирдагчдын сүүлийн нэг сарын хугацаанд хийсэн хоёр дахь яриа гэдгээрээ онцлогтой. Арванхоёрдугаар сарын 7-нд В.Путин, Жо Байден нар онлайнаар видео уулзалт хийсэн бөгөөд яриа хоёр цаг таван минут орчим үргэлжилж байсан юм.
(Эх сурвалж: Interfax)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Москвад Байден эхний анхааруулгаа Казакстанаас эхлэлээ гэдгээ шууд итгэчихлээ Байден эхлээд Казакстан дараа Украйн Дараа нь Москвааг гэсэн дара�##��##�аар эзлэх төлөвлөгөө