Баасан гарагийн өглөөний байдлаар дэлхийн хэмжээнд коронавирусийн халдварын батлагдсан тохиолдлын тоо 431,415,270-д хүрсэн хэмээн Америкийн Жонс Хопкинсийн Их Сургууль мэдэгдлээ.
Дэлхий дахинд коронавирусийн халдвар тархаж эхэлснээс хойш 5,928,168 хүн нас баржээ. 20 сая гаруй халдвартай улс орнуудад АНУ, Энэтхэг, Бразиль зэрэг улсууд орсон хэвээр байна.
Халдвар авсан болон нас барсан хүний тоогоор АНУ тэргүүлж, коронавирусийн халдвар 78,798,989 болж, нас барсан хүний тоо 944,830 болжээ.
Энэтхэг улс халдвар авсан хүний тоогоор хоёрдугаарт орж, коронавирусийн батлагдсан тохиолдлын тоо 42,894,345, вирусийн халдварын улмаас нас барсан хүний тоо 513,226 болоод байна.
Коронавируст халдварын батлагдсан тохиолдлын тоогоор гуравдугаарт Бразиль улс орж, тус улсад 28,589,235 хүн халдвар авснаас 647,703 хүн нас баржээ.
Дэлхийн томоохон үйл явдлуудын статистик мэдээллээр дагнасан “WorldoMeter”-ийн мэдээлснээр, баасан гарагийн өглөө дэлхийн нэг сая хүнд ногдох нас баралтын түвшин 763.1 байна.
АНУ-д нэг сая хүн амд 2,901, Энэтхэгт 366, Бразильд 3,011 хүн нас бараад байгаа юм.
(Эх сурвалж: Interfax)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.