Чөлөөт бөхийн чансаа олгох оны хоёр дахь тэмцээн буюу Болат Турлыхановын нэрэмжит тэмцээн Казахстаны Алматы хотод өчигдөр эхэлсэн.
Манай улсаас өчигдөр эмэгтэй дөрвөн бөх барилдсанаас нэг мөнгө, хоёр хүрэл медаль хүртлээ. 68 кг-ын жинд ОУХМ З.Болортунгалаг мөнгө, 62 кг-д ОУХМ Э.Гантуяа, 68 кг-д ОУХМ Э.Дэлгэрмаа хүрэл медалийн эзэн болов. 68 кг-д медальтнууд гурван биенээ тойрч ялсан ч оноо тоолоход Азийн хошой аварга Энэтхэгийни Дивья Какран манай бүсгүйчүүдийн дээр зогссон юм.
Харин 57 кг-д барилдсан ОУХМ Х.Болортуяа медаль хүртэж чадсангүй. Өнөөдөр эрэгтэйчүүдийн 97, 125, эмэгтэйчүүдийн 50, 53, 55, 59, 65, 72 кг-ын жингийн барилдаанууд болно.
Эх сурвалж: Монголын чөлөөт бөхийн холбоо
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.