Хүүхдийн баярын бэлэг ба ХҮССЭН БҮТЭЭГДЭХҮҮНТЭЙ БЭЛЭГНИЙ САНАЛУУД

Олон улсын хүүхдийн эрхийг хамгаалах өдөр хэдхэн хоногийн дараа тохиох гэж байна. Үүнтэй холбогдуулан эцэг эхчүүд болон албан байгууллагууд хүүхдийн бэлэг цуглуулах, авах томоохон ажлыг эхлүүлдэг.

Сүүлийн жилүүдэд бэлэн боосон бэлэгт хугацаа нь дууссан, чанарын шаардлага хангаагүй болон зарагдахгүй бүтээгдэхүүн хийж худалдаалах тохиолдол их болсон. Иймд худалдан авагчид бэлэн бүтээгдэхүүн цуглуулан өөрсдөө бэлэг боох явдал элбэг болсон. Иймд томоохон сүлжээ дэлгүүрүүд бэлэн боочихсон бэлэг худалдаалахын зэрэгцээ хэрэглэгчийн хүссэн бүтээгдэхүүнийг оролцуулан газар дээр нь бэлэг боож борлуулах үйлчилгээг эхлүүлжээ.

-БЭЛЭН БЭЛЭГНИЙ ЭРЭЛТ БУУРЧ, ХҮССЭН БҮТЭЭГДЭХҮҮНЭЭР НЬ БЭЛЭГ БООХ ҮЙЛЧИЛГЭЭ ДЭЛГЭРЧЭЭ-

Худалдан авагчид дан амттантай бэлэг гэхээсээ илүү хүүхдийнхээ байнга иддэг бүтээгдэхүүн болон ном, тоглоом зэрэг багтсан ухаалаг бэлэг бэлдэхийг эрмэлздэг болсон. Иймд томоохон сүлжээ дэлгүүрүүд үнийн дүн харгалзахгүйгээр өөрийн дэлгүүрт байгаа хүссэн бараа бүтээгдэхүүнээс сонгон бэлэг боох үйлчилгээг эхлүүлжээ. Харин худалдан авагчид бэлэг боолгох үйлчилгээг үнэгүй авах ба бэлэгний уут болон туузын үнийг төлөх аж. Мөн хүссэн бэлгээ үнийн дүнгээ хэлж, захиалах хүргэлт хийлгэх боломжтой ба үнийн дүнгээс хамааран бэлэг худалдан авах бонус өгч байгаа ажээ. Ингээд томоохон сүлжээ дэлгүүрүүдийн бэлгийн үнэ болон хэрэглэгчдэд тавьж буй саналуудыг хүргэе.

Номин супермаркет: Худалдан авалтаас хамааран 300,000 ₮ хүртэлх эрхийн бичиг бэлгэнд авах боломжтой

Номин супермаркет хүүхдийн бэлэг нь 4000 төгрөгөөс эхэлж байгаа бөгөөд хэрэглэгч хүссэн үнийн дүндээ өөрийн хүссэн орц хэмжээгээр боолгон авах боломжтой. Бэлэгний төрлийн хувьд хүүхдийн сэтгэлгээг хөгжүүлэх оюунлаг бэлэг, 0-3 нас, 3-с дээш насны хүүхдүүдэд зориулсан насны ангилалтай бэлгийн худалдаа явуулж байгаа аж.

Улаанбаатар хот болон орон нутгийн салбаруудаас 500,000₮-с дээш худалдан авалт хийж, үнийн дүнгээс хамааран 300,000₮ хүртэлх эрхийн бичиг бэлгэнд авах боломжтой.

Мөн www.nomin.mn вэбсайтаар 89,000₮-с дээш худалдан авалт хийвэл хүргэлт үнэгүй ба үнийн дүнгийн 3%-д эрхийн бичиг авах боломжтой. Түүнчлэн хүргэлтийн хувьд сүлжээ дэлгүүрүүдийн салбараас хамааран үнэ төлбөргүй байж болохыг хариуцсан ажилтан нь тодотгосон юм.

Home Plaza: Утсаар захиалга өгч, хүргэлт үнэгүй хийлгүүлэх боломжтой

Home Plaza дэлгүүрийн хувьд хүүхдийн бэлэг 3990-30000 төгрөгийн хооронд худалдаалагдаж байгаа бөгөөд таны хүссэн загвараар боож өгөх үйлчилгээг нэвтрүүлжээ. Ингэхдээ худалдан авагч хоёр салбар дэлгүүрийн аль нэгэнд очих юм уу утсаар холбогдон захиалга өгч үнэгүй хүргэлт хийлгэх боломжтой гэв.

Home Plaza 1 салбар-Сансарын Сэлэнгэ зочид буудлын замын эсрэг талд

Home Plaza 2 салбар-Баянмонгол хорооллын баруун талд

Холбогдох утас: 7014-8844, 9400-1253, 9400-1275

И-март: Хүссэн загвараар боож өгөх ба 300 ширхгээс дээш бэлэг худалдан авалтад хүргэлт үнэгүй

И-март худалдааны төвийн хувьд хүүхдийн бэлгийн үнэ 5900-29400 төгрөгийн хооронд худалдаалагдаж байгаа аж. Түүнчлэн албан байгууллага, хувь хүнээс захиалга авч, хүссэн орц, хэмжээгээр бэлэг бэлтгэх байгаа ба худалдан авалтын үнийн дүнгээс хамаарч эрхийн бичиг бэлэглэх урамшуулал зарлажээ. Мөн 300 ширхгээс дээш бэлэг худалдан хүргэлт үнэгүй.

Захиалгыг авах утас:

Имарт Чингис салбар : 9903-0584, 9000-9111

Имарт Хороолол салбар : 9110-8848, 9111-720

Д.ЖАРГАЛМАА

Сэтгэгдлээ илэрхийл

Share Tweet