Говь-Алтай аймгийн Цээл суманд тарваган тахлын сэжигтэй тохиолдлоор 15 настай, эрэгтэй хүүхэд өчигдөр /2023.08.30/ 10-11 цагийн орчимд нас барсан харамсалтай тохиолдол бүртгэгдсэн.
Тодруулбал, Цээл сумаас 50 км-ийн зайд орших Дэрстэй багийн иргэн болох 15 настай хүү энэ сарын 21-ний өдөр тарвага агнаж, гэртээ наймуулаа идсэн гэх өгүүлэмжтэй байжээ.
Нас барсан хүүхдийн задлан шинжилгээг өчигдөр оройны 10 цаг 35 минутад Говь-Алтай аймгаас Улаанбаатар луу явуулсан тухай бид өнөөдөр мэдээлсэн.
Тэгвэл шинжилгээний хариу ЭЕРЭГ гарч тарваган тахал мөн болох нь батлагджээ.
Энэ тухай ЗӨСТ-өөс, “2023.08.29-ний өдөр Говь-Алтай аймгийн Цээл суманд бүртгэгдсэн тарваган тахлын сэжигтэй нас барсан тохиолдол 2023.08.31-ний өдөр Говь-Алтай аймгийн ЗӨСТ-д хийгдсэн нян судлалын шинжилгээ, Ховд аймгийн ЗӨСТ-д хийгдсэн молекул биологи (PCR)-ийн шинжилгээгээр тус тус ЭЕРЭГ тодорхойлогдож тарваган тахлын халдвар авч нас барсан болох нь батлагдлаа” хэмээжээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Үр хүүхдээ хайрлаач. Болох болохгүйг нь зааж өгөөч. 15 нас хүргээд алдах ямар харамсалтай.