УГТЭ-ийн Хэм судлалын төвд зүрхний хэм алдагдлын үеийн пейсмекер эмчилгээг жилд 300 орчим тохиолдол, түлэх хэлбэрийн аблаци эмчилгээг 180 орчим тохиолдолд хийж байгаа ба дэлхий нийтэд хэрэглэгдэж байгаа зүрхний хэм алдагдлын үеийн бүх төрлийн суулгац эмчилгээг бүрэн нэвтрүүлээд байна.
Уг тусламж үйлчилгээг авах зорилгоор гадаад улсад зорчих иргэдийн урсгалыг нэлээдгүй хувиар бууруулах боломжийг бүрдүүлж байгаа билээ.
Монгол хүний зүрхний судасны шалтгаант нас баралтын эрсдлийн нэг нь зүрхний хүнд хэлбэрийн хэм алдагдал болох тосгуурын жирвэгнээ өвчин бөгөөд тархинд цус харвалт үүсгэх, зүрхний гэнэтийн нас баралтыг бий болгох зэргээр өвчлөл нас баралтын тулгамдсан асуудлын нэг хэвээр байгаа.
Тэгвэл зүрхний хэм алдагдлын үед эмгэг сэрэл өгч буй цэгийг илрүүлж хөлдөөх замаар засах эмчилгээний технологийг Монгол улсдаа шинээр нэвтрүүллээ.
Түлэх хэлбэрийн аблаци эмчилгээний хувьд ойролцоогоор 4-6 цаг зарцуулж, эмчээс нэлээдгүй өндөр нарийн ур чадвар шаарддаг бөгөөд дахих, хүндрэл гарах эрсдэл өндөртэй байдаг бол харин хөлдөөх эмчилгээний тухайд ажилбар нь ойролцоогоор 1 цаг 30 минут орчим үргэлжилж, хөлдөөх процесс 20-30 минутын дотор дуусдагаараа илүү хялбар хийгдэх боломжийг бүрдүүлж, ажилбарын үеийн эрсдэл бага, эмчилгээний ор хоног цөөн, илүү өндөр үр дүнтэй гэх мэт онцлогтой байдаг.
Энэхүү технологи нь хамгийн сүүлийн үеийн дэвшилтэт технологи учраас харьцангуй өндөр өртөгтэй бөгөөд эрүүл мэндийн даатгалаар санхүүжүүлэхэд хэлэлцэж шийдвэрлэх асуудлууд бий.
Азийн зарим оронд тухайлбал БНХАУ, БНСУ-д энэ төрлийн мэс заслын зөвхөн эмчилгээний зардал 60-110 сая орчим төгрөг байгаа бол бидний хийсэн тооцооллоор эм, эмнэлгийн хэрэгслийн зардал, оношилгоо шинжилгээний зардал, шууд болон шууд бус зардлууд багтаад манай улсад хийгдэх өртөг нь 40 орчим сая төгрөг болж байна.
Энэ нь Монгол хүн эх орондоо дэлхийн түвшний оношилгоо эмчилгээг харьцангуй хямд өртөгөөр хийлгэж, эрүүл мэндтэй холбоотой эдийн засгийн эрсдэлд орохоос зайлсхийх боломжийг бүрдүүлж байна гэж Улсын гуравдугаар төв эмнэлгээс мэдээллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
2р эмнэлгт цаг авах гд и-монголиа-р орохоор эмчээ сонгох хэсэг нь 5хан чиглэлтэй миний үзүүлэх чиглэл байхгүй тул цаг авч болдгүй. Утсаар авах гэхр 70150222 нь авт хариулагч цаг авах бол 2-г дар гээд дарахаар бид ... таны яриаг бичиж бна гээд хэсэг байснаа шууд тасарчаад байхийн. 10-аад з�##�г�##�аа 1000-д төг хий үрлээ бага ч гсэн хөд- рөө олсон мөнгө. 70150225 нь байнга завгүй, ярьж бгаа дохио. Нэт-с хайгаад 70150234 70150233-р ярилаа энд цаг авахгүй бид дуудлагынхан, 70150222-р ав гэнэ болохгүй бна гэх-р мэдэхгүй гэхийн. Сайтад нь сан�##� хүсэлт авах утас бхгүй. 1800-0119 руу ярилаа 2р эмн ту�####�а прог-тай, 70112247 руу ярь гэлээ, энэ утас нь огт авахгүй юм. Хагас өдрөө үрлээ. Үзүүлэх цаг яаж авахийм бэ 2р эмнэлэгт?
Хөлдөөх эмчилгээг тодорхой хэмжээгээр ЭМДаатг�##�д хамруулах нь чух�##�.Төлбөрийн чадваргүй хүмүүс олон байгаа шүү дээ.