Нэг жилийн өмнө ХБНГУ-ын Брауншвэйг хотод латин болон стандарт хамтлаг бүжгийн ДАШТ болж өндөрлөсөн билээ. Эргэн санабал, тус тэмцээнний Латин бүжгийн төрөлд манай улсаас эх орноо төлөөлөн "Moon Dance" болон "Star Dance" хамтлагууд оролцож хоёр болон дөрөвдүгээр байрт шалгарсан юм. Тодруулбал, "Moon dance" гурван шатны үзүүлбэрийн нийт дүнгээр 33.75 оноо авч энэ төрөлд дэлхийн аваргын 12 удаагийн аварга Германы багийн ард буюу дэд байрт жагсаж мөнгөн медалийн эзэд болсон.
Харин улсаа төлөөлөн анх удаа латин хамтлаг бүжгийн ДАШТ-д 2010 онд оролцож байсан "Star dance" хамтлаг дөрөвдүгээр байрт шалгарсан. Тэд гурван шатны үзүүлбэрийн нийт дүнгээр 32.85 оноо авсан юм.
Тэгвэл 2023 оны латин болон стандарт хамтлаг бүжгийн ДАШТ арванхоёрдугаар сарын 18-нд буюу өнөөдөр Хонгконгд эхэлнэ. Энэ удаагийн дэлхийн аваргад дээрх хоёр хамтлаг дахин эх орноо төлөөлөн оролцоно.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.