Халиа дошингийн нөхцөл байдал хүндэрч, Нийслэл болон Онцгой байдлын газраас шаардлагатай зарим арга хэмжээг авч хэрэгжүүлж эхэллээ.
Энэ үеэр Хотын дарга Х.Нямбаатар, "Шар усны үе болох эрсдэл бий болоод байна. Энэ бодит аюул шар түвшинд байна. Энэ жил олон жилийн дунджаас температурын хэлбэлзэл хамгийн өндөр байгааг мэргэжилтнүүд хэлсэн.
УЦУЭШХ шар усны үер болох эрсдэл маш өндөр гэж мэдэгдсэн. Тиймээс Сэлбэ голын ай сав газрын мөсийг зөөж, Сонсголонгийн гүүрнээс баруун тийш гаргаж буулгаж байна. Мөн ОБЕГ, Ус, цаг уурын хүрээлэн болон бусад холбогдох мэргэжлийн байгууллагаас өгсөн зөвлөмжийн дагуу Сэлбэ голын сав газрыг чөлөөлнө.
Сэлбэ голын сав газрыг чөлөөлөх ажил өнөөдөр 10 байршилд зэрэг эхэлж байгаа. Үүнээс гадна Толгойт, Нарангийн ол, Улиастайн гол болон Чингэлтэй, Баянгол дүүргийн үерийн усны байгууламжуудыг чөлөөлөх ажлыг давхар зохион байгуулах төлөвлөгөөтэй ажиллаж байна" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.