Квандон их сургуулийн эмнэлэг И.Сүнжидмаа охиныг үнэ төлбөргүй эмчилж, онгоцны тийзийг даахаа мэдэгдлээ

Ээжийнхээ өвөрмөц царайг өвлөж төрсөн И.Сүнжидмаа охины тухай сурвалжилга, ярилцлагыг манай редакц бэлтгэн хүргэснээс хойш 25 сая төгрөгийн хандив цуглаад байна.

Мөн сайхан сэтгэлт хүмүүс БНСУ-ын хэд хэдэн эмнэлэгтэй холбогдож, И.Сүнжидмаа охиныг эмчлэх боломжтой эсэх талаар тодруулсан хариугаа бидэнд эргэн мэдэгдсээр байгаа юм.

Тэдний нэг нь БНСУ-ын Квандон их сургуулийн харьяа, Гэгээн Маригийн эмнэлэг. Тус эмнэлэг охиныг үнэ төлбөргүй эмчлэх боломжтойгоос гадна, онгоцны тийзийн зардлыг ч гаргана гэдгээ мэдэгдлээ.

Үүний өмнө И.Сүнжидмааг хэд хэдэн үзлэг, шинжилгээнд хамрагдаж, холбогдох материалыг цахимаар ирүүлэхийг хүслээ. Улмаар эмч нарын зөвлөл нь хуралдаж, яг ямар эмчилгээ шаардлагатай тал дээр дүгнэлт хийх аж.

И.Сүнжидмаа өмнө нь нарийн мэргэжлийн эмчид үзүүлж байгаагүй тул тодорхой оношгүй юм. Бид Квандон их сургуулийн харьяа, Гэгээн Маригийн эмнэлгийн хүсэлтээр И.Сүнжидмааг энэ долоо хоногт Улаанбаатар хотод авчирч, бүх талын үзлэг, шинжилгээнд оруулахаар төлөвлөж байна.

И.Сүнжидмааг тусгайлан үзэж, шаардлагатай шинжилгээг хөнгөлөлттэй үнээр хийж өгөх эмнэлгийн байгууллагатай хамтын ажиллагаа үүсгэхээр бид хайж байна.

Үүний өмнө Их засаг их сургуулийн харьяа Дүрслэх урлаг, дизайн технологийн дээд сургуулиас И.Сүнжидмааг хувцас дизайнер мэргэжлээр дөрвөн жил үнэ төлбөргүй сургах боломжтойгоо илэрхийлээд байгаа юм.

Хандивын данс: 5992211154 (О.Сүнжидмаагийн хадгаламжийн данс), ХААН БАНК

ВИДЕО:

Нийтлэлийн дэлгэрэнгүй буюу “Охиноо л хөөрхөн болгож, өөрийн туулсан зовлонг үзүүлмээргүй байна. Би бол бүгдийг мартсан" контентыг ЭНД ДАРЖ уншаарай.

М.ТЭНГИС

Өөрийн сэтгэгдлээ илэрхийл

Share Tweet