Онцгой байдлын байгууллагын 21 жилийн ой, Монгол Улс, БНФУ-ын хооронд дипломат харилцаа тогтоосны 60 жилийн ойн хүрээнд “Алба сурталчлах” өдөрлөгийг Тусгаар тогтнолын талбайд өнөөдөр зохион байгууллаа.
Монгол Улс, БНФУ-ын Засгийн газрын хэлэлцээрийн хүрээнд хэрэгжиж байгаа төслөөр нийлүүлэгдсэн тоног төхөөрөмж болоод хоёр орны гамшгаас хамгаалах салбар дахь хамтын ажиллагааг танилцуулсан байна.
Мөн ОБЕГ-ын харьяа Үндэсний аврах бригад, Агаараас эрэн хайх, аврах 111, Уул уурхайн аврах 09 дүгээр анги, Жаргалант сэргээн засах төв-113, Гамшиг судлалын үндэсний хүрээлэн болон НОБГ-аас албаны үйл ажиллагаа, ашиглаж байгаа техник, тоног төхөөрөмж, алба хаагчдын төрөл, мэргэжлийн хувцас хэрэглэлийг танилцуулж, гамшгаас хамгаалах зөвлөгөө, мэдээллийг иргэдэд хүргэж, эрүүл мэндийн тусламж, зөвлөгөө өгсөн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.