Испанийн домогт уулчин Карлос Сориа баасан гарагийн өглөө 86 настайдаа Манаслу (8163 метр) ууланд авирсны дараа 8000 метрийн оргилд гарсан хамгийн өндөр настай хүн боллоо.
Сориа орон нутгийн цагаар өглөөний 5:30 цагт оргилд хүрсэн гэж экспедицийг удирдаж буй Seven Summit Treks агентлагийн дарга Мингма Шерпа цахим хуудаснаа мэдээлэв.
Өмнөх дээд амжилтыг 2013 онд 80 настайдаа Эверестийн оргилд гарсан Японы Юичиро Миура эзэмшиж байжээ.
Мадридаас баруун хойд зүгт орших Авила хотод төрсөн Сориа ууланд амьдралаа зориулахаас өмнө бүрээсчин хийдэг байсан байна. Сүүлийн хорин жилийн хугацаанд тэрээр авиралтын түүхэнд онцгой байр суурийг эзэлж, өндөр уулын авиралтын насны саадыг удаа дараа эвдэж чадсан юм.
Сориа бол 60 нас хүрснийхээ дараа 8000 метрийн арван оргилд гарсан цорын ганц уулчин юм. Тэрээр К2 (65 настай), Броад оргил (68), Макалу (69), Гашербрум I (70), Манаслу (71), Канченжунга (77), Кангченжунга (77) оргилд гарсан хамгийн өндөр настай хүн юм.
Баасан гарагийн /2025.09.26/ авиралт нь Сориагийн Манаслу дахь хоёр дахь амжилтыг тэмдэглэв. Анх 2010 онд 71 насандаа хүчилтөрөгчийн нэмэлт тэжээлгүйгээр оргилд хүрч байжээ. Сориа одоогоор дэлхийн 8000 метрээс дээш өндөртэй 14 оргилын 12-т нь гараад байна.
Үлдсэн хоёр нь Балбын Дхаулагири, Хятадын Түвдийн Шишапангма юм. Хэрвээ тэр хоёуланд нь амжилт гаргавал 14 найман мянгатыг давсан хамгийн өндөр настай уулчин болох мөрөөдлөө биелүүлнэ.
14 настайдаа Испанийн толгодоос гараагаа эхэлсэн Сория шийдэмгий залуу уулчин байснаас уулын авиралтын хамгийн тууштай зүтгэлтнүүдийн нэг болон хувирчээ. Тэрээр Гималайн нуруунаас цааш тив бүрийн хамгийн өндөр оргил болох Seven Summits сорилтыг 70 наснаас хойш дуусгасан байдаг.
Д.ЦЭГЦ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.