Богдхан ууланд их хэмжээний цас орсны улмаас зэрлэг амьтдын идэш тэжээлийн хомсдол үүсэж, уулын бэл болон суурьшлын бүс рүү ойртох нөхцөл байдал ажиглагдаж байгаа юм. Энэ тухай мэдээлэл олон нийтэд хүрч, улмаар иргэд, аж ахуйн нэгж байгууллагууд зэрлэг амьтдад зориулсан биотехникийн арга хэмжээнд идэвхтэй оролцож байна.
Тодруулбал, өнгөрсөн оны 12-р сард “Энигма” ХХК-аас 84 боодол өвс, ногоон тэжээл, энэ сард Баянзүрх дүүргийн 14 дүгээр хорооны иргэн П.Буянхишигийн гэр бүл 10 боодол өвс хандивлажээ. Эдгээр хандив нь өвлийн хүндрэлтэй нөхцөлд зэрлэг амьтдын амь насыг хамгаалах, тэдний идэш тэжээлийн хүртээмжийг нэмэгдүүлэхэд чухал ач холбогдолтой юм.
Түүнчлэн иргэд, аж ахуйн нэгж байгууллагуудын байгаль хамгаалах үйлсэд оруулж буй хувь нэмрийг өндрөөр үнэлж, Богдхан уулын дархан цаазат газрын Хамгаалалтын захиргааны зүгээс гүн талархал илэрхийллээ.
Б.АЗЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Байгаль дэлхийгээ хайрлаж зэрлэг ан амьтдаа өсгөх нь ирээдүй хойч үедээ үлдээж байгаа маш том хөрөнгө оруулалт юм шүү.Сэтгэл гаргасан бүх хүнд баяраллаа дархан цаазат Богд хан уулын эзэн савдаг та нарыг харж үзнээ данс карт нь дэлбэртэл мөнгө нь арвижтугай үр хүүхдээрээ хэдэн үеэрээ жаргаж амьдраарай уаах хоржийлоо дээдсийн сүнс өршөө