Өнөөдөр /2020.03.12/ ЭМЯ-наас шинэ төрлийн коронавирусийн асуудлаар цаг үеийн ээлжит мэдээллээ хийлээ. Энэ үеэр тус яамны Эмнэлгийн тусламж, үйлчилгээний газрын дарга Я.Буянжаргал:
“Өнөөдрийг хүртэл нийт 1248 хүнийг ажиглалт, тусгаарлалтад авсан байна. Өнөөдөр Цэргийн төв эмнэлэг дэх 65, Сэлэнгэ аймаг дахь найм, Жаргалантын аман дахь 23 хүн тусгаарлалтаас гарч байна. Тэдний биеийн байдал хэвийн, ямар нэг шинж тэмдэг илрээгүй” хэмээв. Цаашлаад,
“Ховд аймагт нэг гэр бүлийн гурван хүн, БНХАУ-ын нутаг дэвсгэрээс орж ирсэн. Тэд хөл хорио тавигдтал Өвөр Монгол айлд амьдарч байжээ. Иймд Ховд аймгийн Онцгой комисс хуралдаж, тэднийг тусгаарлалтад оруулан, ажиглаж эхэлсэн байна.
ХӨСҮТ-д эмчлүүлж буй франц иргэний биеийн байдал хүнд боловч амин үзүүлэлтүүд нь тогтвортой байна. Эмч нарын заавар, зөвлөгөөг чанд сахин биелүүлж байгаа.
Энэ вирусийн халдварыг эмчлэх уламжлалт анагаах ухааны эрдэмтэдтэй хамтран боловсруулсан зааврыг батлуулахаар ажиллаж байна.
Мөн БНХАУ-ын Ухань хотод ажиллаж буй эмч нартай өнөөдөр цахим хурал хийнэ” гэлээ.
Мэдээлэл яагаад ийм зөрүүтэй худал байна. ИЛТ ХУДАЛ мэдээлэл тараах хориотой. Хүмүүс хил бүгд хаалттай, зөвхөн БУЯНТ-УХАА, АЛТАНБУЛАГ, СЭЛЭНГийн хил л онгорхой хянаж оруулж ирж байгаа гэсэн мэдээлэлтэй байтал юун ХОВДООР орж ирсэн 3 хүн бэ?
Өвөр монголын эмч нараас асуугаач. Баахан хүн эмчилсэн гэсэн.