УОК-ийн УОК-ын өргөтгөсөн хуралдаан өнөөдөр /2020.05.25/ Төрийн ордонд болж байна. Энэ үеэр Эрүүл мэндийн сайд Д.Сарангэрэлийн мэдээллийг сонсож байна.
Тэрээр, “Монгол Улсад 141 халдвар бүртгэгдсэн. Тэдний 33 нь эдгэрч, эмнэлгээс гарсан. Одоо 108 хүн хэвтэн эмчлүүлж байна. Нийт зөөвөрлөгдөж ирсэн 141 тохиолдлын 121 нь ОХУ-аас халдвартай ирсэн. Англиас долоо, Солонгосоос гурав, Шведээс гурав, Франциас хоёр, Италиас нэг гэх мэтээр зөөвөрлөгдөж ирсэн. Нийт тохиолдлын 78 нь Буянт-Ухаа боомтоор, 63 хүн нь Алтанбулаг боомтоор орж ирсэн.Эмнэлзүйн болон тархварзүйн баг ажиллаж байгаа. Багуудад тэргүүлэх зэргийн эмч нар багтсан. ДЭМБ-тай хамтран НҮБ-ын уулзалтын дөрвөн удаа зохион байгуулж санхүүгийн дэмжлэг авч ажиллаж байна. Уханийн эрүүл мэндийн ажилтнуудтай байнга онлайн сургалт хийж, туршлага судалж байгаа” хэмээн ярилаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.