Хятад иргэнээс хахууль авсан Х.Оргил-Эрдэнийг 7 сая төгрөгөөр торгов
Зам тээврийн хөгжлийн яамны Бодлого зохицуулалтын хэлтсийн дарга Х.Оргил-Эрдэнийг Сүхбаатар дүүргийн эрүүгийн хэргийн анхан шатны шүүхээс БНХАУ-ын иргэнээс хээл хахууль авсан гэх хэрэгт холбогдуулан нийтийн албанд томилогдох эрхийг нь 5 жилээр хасаж 7 сая төгрөгөөр торгох ялаар шийтгэжээ. Харин түүнд хээл хахууль өгсөн гэх БНХАУ-ын иргэн Лиу Хоннианд 14 сая төгрөгийн торгууль оноосон байна. Ингэхдээ Х.Оргил-Эрдэнэ, Лиу Хонниан нарыг шүүхийн зөвшөөрөлгүй баривчилсан нэг хоногийг 15.000 төгрөгөөр тооцож, нийт төлөх торгуулийн хэмжээнээс хасахаар болсон гэв.
Хэргийг эргэн сануулбал, түүнийг 2019 оны арванхоёрдугаар сарын 30-нд БНХАУ-ын харьяат иргэнээс 20.000 юанийн хээл хахууль авч байхад нь АТГ-ынхан илрүүлж, баривчилсан юм. Улмаар Сүхбаатар дүүргийн эрүүгийн анхан шатны шүүхээс Х.Оргил-Эрдэнэд хилийн хориг тавиад байсан. Х.Оргил-Эрдэнийн өмгөөлөгч Б.Баатарсайхан хэвлэлд ярилцлага өгөхдөө
“Миний үйлчлүүлэгч авлига аваагүй. Төрийн албан хаагчийг ёс зүйгүй харагдуулах гэсэн үйлдлийн золиос боллоо. БНХАУ-ын иргэд түүний өрөөнд баглаатай юм орхиод гарсан юм билээ. Тэр нь мөнгө байсныг мэдээгүй” хэмээх тайлбарыг өгч байсан.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
зөвхөн торгох юм байх даа хөрөнгийг нь хураагаад шоронд суулгаач
Avsan munguu torguulid uguud boljee goy yunaa
hungun l baina bas erh darhtnii tanil tal ne biz
Тэрбумаар нь шаачаад 7.хон саяар торгуулах бараг л шагн�##� гэсэн үг бодвол шүүгч прокурортоо хэд хэдийг өгдийн байгаа биз төрд орж тэрбумаар шааж торгуулаад шагнуулах хүмүүсийн цуваа ихсэхийн байна л даа