Т.Гантулгыг МХЕГ-ын даргаар томиллоо

Засгийн газрын өнөөдрийн хуралдаанаар МХЕГ-ын даргаар Эрчим хүчний дэд сайд асан Т.Гантулгыг томиллоо. Т.Гантулга өмнө нь БОАЖЯ, ХХАХҮЯ-нд ТНБД-аар ажиллаж байсан түүхтэй бөгөөд улстөрийн хүрээнд Т.Бадамжунайгийн хүн гэгддэг.

У.Хүрэлсүхийн Засгийн газрын хийж буй томилгоонуудаас ШШГЕГ-ын даргаар Г.Загджав, МХЕГ-ын даргаар томилогдож буй Т.Гантулга нарт олон нийт ихээхэн шүүмжлэлтэй хандаж буй. Тодруулбал, улстөр дамнасан тодорхой бүлэглэлүүдэд үйлчилдэг, ажлаа хийдэггүй гэх тодотголтой хүмүүст чухал агентлагуудаа хариуцуулж байгааг олон нийт буруутгаж үзэж байгаа юм.

Төгссөн сургууль:

1985 – 1990 онд  ОХУ-ын Москва хотын Хүмүүнлэгийн их сургууль, Түүх нийгмийн багш

1997 – 2000 онд  МУИС-ийн докторантур, Улс төр судлаач

2002- 2004  онд  Үндэсний Тагнуулын академи, Эрх зүйч

Улс төрийн шинжлэх ухааны доктор, профессор, PhD

АЖЛЫН ТУРШЛАГА    

1983 – 1985 онд              Говь-Алтай аймгийн МХЗЭ-ийн хороонд зохион байгуулагч

1990 – 1994 онд              Говь-Алтай аймгийн МАН-ын хороонд улс төрийн ажилтан

1994 – 2000 онд             “Алтайн Кашмир” ХХК-ийн Ерөнхий захирал

2000 – 2007 онд              МАН-ын даргын зөвлөх

2007 – 2009 онд              Байгаль орчин, Аялал жуулчлалын яамны Төрийн нарийн бичгийн дарга

2009 – 2012 онд              ХХААХҮЯ-ны Төрийн нарийн бичгийн дарга

2013 – 2016 онд              МАН-ын Нарийн бичгийн дарга

2016 оноос                       Эрчим хүчний дэд сайд

Гадаад хэлний мэдлэг: Англи, Орос

Шагнагдсан байдал:

2001 онд           Алтангадас одон

2008 онд           Байгаль орчны тэргүүний ажилтан цол тэмдэг

2009 онд           Хөдөлмөрийн гавъяаны улаан тугийн одон

2011 онд           Хөдөө аж ахуй, хүнсний үйлдвэрийн тэргүүний ажилтан

2011 онд           Монгол Улсын Засгийн Газрын хүндэт өргөмжлөл

Энэ мэдээнд өгөх таны үнэлгээ

Хуваалцаарай Жиргээрэй