М.Бадарчид улсын гарьд, Ц.Одбаярт заан, Ц.Мөнхбаярт харцага, Б.Суманчулуунд начин цол нөхөж олгох нь тодорхой боллоо

Өнөө жилийн улсын наадамд үзүүрлэсэн, улсын аварга Н.Батсуурь өөрөөс нь допинг илэрснийг хүлээн зөвшөөрч, монгол түмнээсээ уучлалт ГУЙСАН. Улмаар түүнд өвдөг шороодсон бөхчүүдэд цол, чимэг нөхөж олгох нь тодорхой болов.

Улсын аварга Н.Батсуурьт унасан бөхчүүд:

Нэгийн даваа: Орхон аймгийн Баян-Өндөр сумын харьяат, залуу бөх Ж.Эрдэнэхүү

Хоёрын даваа: Улаанбаатар хотын харьяат, залуу бөх О.Мөнхбаясгалан

Гурвын даваа: Архангай аймгийн харьяат, аймгийн харцага П.Жавхлантөгс

Дөрвийн даваа: Булган аймгийн Сайхан сумын харьяат, аймгийн харцага Д.Пүрэвдорж

Тавын даваа: Говь-Алтай аймгийн Тонхил сумын харьяат, аймгийн арслан Б.Суманчулуун

Зургаагийн даваа: Увс аймгийн Тэс сумын харьяат, шинээр улсын начин болсон (өмнө нь аймгийн арслан байсан) Ц.Мөнхбаяр

Долоогийн даваа: Өмнөговь аймгийн Ханхонгор сумын харьяат, шинээр улсын харцага (өмнө нь улсын начин байсан) Ц.Одбаяр

Наймын даваа: Архангай аймгийн Цэнхэр сумын харьяат, шинээр улсын заан цол хүртсэн (өмнө нь улсын харцага байсан) М.Бадарч

Улсын аварга Н.Батсуурь өнөө жил төрийн наадамд үзүүрлэхдээ шинээр улсын цол хүртсэн гурван бөхийг өвдөг шороодуулжээ. Түүнээс допинг илэрсэн тул М.Бадарчид улсын гарьд, Ц.Одбаярт улсын заан, Ц.Мөнхбаяр улсын харцага, Б.Суманчулуунд улсын начин цол нөхөж олгоно. Б.Суманчулуун 2014 онд улсын начин болсон түүнээс допинг илэрсэн тул тухайн жил цолыг нь хураасан юм.

Энэ мэдээнд өгөх таны үнэлгээ

Хуваалцаарай Жиргээрэй