СПОРТ

БТСУХ Куба улсын биеийн тамир, спортын салбарын хамтын ажиллагаагаа өргөжүүлнэ

Биеийн тамир, спортын улсын хорооны дарга Ц.Шаравжамц Бүгд Найрамдах Куба Улсаас Монгол улсад суугаа Бүрэн Эрхт Элчин сайд Раул Делгадо Консепсионыг хүлээн авч уулзлаа.

Уулзалтанд БТСУХ-ны гадаад харилцаа, мэдээллийн технологийн хэлтсийн дарга Н.Оюунбат, гадаад харилцааны ахлах мэргэжилтэн Л.Онон, Бүгд Найрамдах Куба Улсаас Монгол Улсад суугаа элчин сайдын яамны нарийн бичгийн дарга О.Мандуул нар оролцлоо.

Уулзалтын хүрээнд талууд өнгөрсөн хугацаанд хэрэгжүүлж ирсэн арга хэмжээнүүдийн талаар харилцан санал солилцов. Цаашид Монгол Улс, Бүгд Найрамдах Куба улстай биеийн тамир, спортын салбарт хоёр орны үндэсний шигшээ багийн хамтарсан бэлтгэлийг зохион байгуулах, спортын анагаах ухаан, эрдэм шинжилгээний салбарт хамтын ажиллагааг өргөжүүлэх чиглэлээр санал солилцов гэж БТСУХ-ноос мэдээлэв.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button