Бөхчүүдийн сагс: Холын зайн шидэлтэд Г.Дармаажанцан, ур чадварын төрөлд Х.Нямдорж нар аваргалжээ
Биеийн тамир, спортын улсын хороо, Монголын үндэсний бөхийн холбоо, “Мөнгөн цагариг” клуб хамтран зохион байгуулж буй бөхчүүдийн сагсан бөмбөгийн аварга шалгаруулах тэмцээн Спортын төв ордны А зааланд хоёр дахь өдрөө болж байна. Биеийн тамир, спортын салбар үүсэж хөгжсөний 100 жилийн ойг тохиолдуулан зохион байгуулж буй тус тэмцээний ур чадвар болон холын зайн шидэлтийн аваргууд дөнгөж сая тодорлоо.
Холын зайн шидэлтийн аваргаар Ховд аймгийн Дөргөн сумын харьяат, аймгийн арслан Галбадрахын Дармаажанцан (15 оноо) тэргүүн байр эзэлсэн бол ур чадварын өрсөлдөөнд Булган аймгийн Хутаг-Өндөр сумын харьяат, аймгийн начин Хүүхэнсүрэнгийн Нямдорж түрүүллээ. Холын зайн шидэлтийн аварга Г.Дармаажанцан нь 2020 онд аймгийн заан, 2022 онд аймгийн арслан цол хүртсэн бол ур чадварын тэмцээнд түрүүлсэн Х.Нямдорж 2011 онд сумын заан цол хүртэж, дараа нь тус цолыг дөрвөн удаа баталж, 2022 онд аймгийн начин цол хүртсэн бөх юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.