Цахим сүлжээнд МИАТ компанийн ажилчдаас халдвар илэрсэн тухай мэдээллүүд хөвөрч байна. Бид МИАТ компанийн хэвлэлийн ажилтан Б.Золжаргалаас энэ талаар тодрууллаа.
Тэрээр “Одоогийн байдлаар Германд байгаа манай ажилчдаас халдвар илэрсэн гэсэн мэдээлэл ирээгүй байна. Халдвартай хүнтэй хавьтал болсон гээд тусгаарлагдаж байгаа нь үнэн. 14 хоног тусгаарлах юм билээ. Халуурсан шинж тэмдэг илрээгүй байгаа тул одоо халдварын шинжилгээ өгөөгүй байгаа. Яг хэчнээн хүн тусгаарлагдаж байгааг мэдэхгүй байна” гэв.
МИАТ компани хамгийн сүүлд тус улс руу аравдугаар сарын 23-нд Франкфурт-Улаанбаатар чиглэлд тусгай үүргийн нислэг үйлдсэн бөгөөд энэ сарын 19-нд дахин нисэх аж. Хэрэв тус улсад ажиллаж байгаа ажилчдаас халдвар илэрвэл, өөр ажилчид ажиллуулна гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.