Өнөөдөр манай улсад 33 тохиолдол нэмэгдэж, нийт халдвартай иргэний тоо 1395 боллоо. Өнөөдөр халдвар авсан иргэдийн хоёр нь Цэргийн төв эмнэлгийн эмч, сувилагч аж. Харин үлдсэн нь БЗД-ийн нэгдсэн эмнэлэг, Мөнххада компани, Ачтан эмнэлгийн эмч нарын гэр бүлийн хүмүүс аж. Ачтан эмнэлгийн эмч нарын байр 10 дугаар хороололд байдаг бөгөөд Баянгол дүүргийн 6 хорооны нэг орцны зургаан иргэн халдвар авчээ.
Орцноос үүссэн зургаан тохиолдлын нэг нь “Мөнгөн-Гүүр” эмнэлгийн лаборантаас байсан аж. Иймд тус эмнэлгийн эмч, ажилчин, хэвтэн эмчлүүлж байсан 141 хүнээс шинжилгээнд хамруулжээ. Ингээд 32 хүнийг ойрын хавьтал гэж тусгаарлаж, шинжилгээ авахад нэг эмчээс халдвар илэрсэн байна.
