Ихэнх нутгаар цас их орж хүйтэрснээс зэрлэг ан, амьтан тэр дундаа нэн ховор амьтад байршдаг газруудаар өвөлжилт хүндрэх нөхцөл байдал үүссэн тул тус аймгийн Байгаль орчин, аялал жуулчлалын газраас биотехникийн арга хэмжээ авч ажиллаж байгаа юм. Бид Өвөрхангай аймгийн Баруунбаян-Улаан, Хайрхандулаан сумын нутгийн 40 гаруй цэгт аргаль, халиун буганд өвс, хужир тавьсан болон Булган аймгийн Зэд Хантай Бүтээлийн нурууны дархан цаазат газрын хамгаалалтын захиргааны байгаль хамгаалагчид хариуцсан бүс нутгийн 10 байршилд 1.8 тонн давс, 1 тонн тэжээлийн будаа тавьж биотехникийн арга хэмжээ авсныг мэдээлсэн.
Харин өчигдөр буюу нэгдүгээр сарын 14-нд Завхан аймгийн БОАЖГ-аас Алдархаан сум, Шилүүстэй сумын Аргаль, Халиун буганд өвс, хужир тараан байршуулж биотехникийн арга хэмжээ авч ажилласан байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.