Хууль

Хөл хорио: Эхнэрээ эмнэлэгт хүргэх гэсэн залуу эрүүгийн хэрэгтэн болов

Цар тахлаас улбаатай хөл хорионы үед хуурамч QR код ашиглаж хөдөлгөөнд оролцож яваад баригдсан залууд эрүүгийн хариуцлага хүлээлгэсэн талаар бид өмнө мэдээлж байсан. Тэгвэл чухам хэн гэгч, юуны учир QR код бүхий тусгай зөвшөөрөл хуурамчаар үйлдсэн бэ.

Тус хэргийг дээд боловсролтой, эдийн засагч мэргэжилтэй залуу үйлдсэн бөгөөд 2020 оны 12 дугаар сарын 06-ны өдөр Хан-Уул дүүргийн 19 дүгээр хороонд оршин суух гэртээ компьютер ашиглан Улаанбаатар хот дотор замын хөдөлгөөнд оролцох QR тусгай зөвшөөрлийг хуурамчаар үйлдсэн байдаг. Улмаар тухайн өдрөө өөрийн эзэмшлийн тээврийн хэрэгслээр замын хөдөлгөөнд оролцохдоо ашиглаж яваад цагдаа нарт баригдсан.

Тэрбээр “Эхнэр маань хагалгаанд орсон байсан. Улмаар буцаж эмнэлэг орох ажил байсан учраас тус зөвшөөрлийн бичгийг доод айлын хэвлэх төхөөрөмжийг гуйж байгаад өнгөтөөр хэвлээд, гэрлэн дохион дээр цагдаад баригдсан. Хуурамчаар бичиг баримт үйлдвэл эрүүгийн хариуцлага хүлээдэг гэдгийг судлаагүй. Тухайн үед эхнэр маань эмнэлэгт үзүүлэхээр явж байгаагаа цагдаад хэлээд явсан бол ингэж шүүх хурал болохгүй байх боломжтой байсан” хэмээн буруугаа хүлээжээ.  

Тухайн QR код нь Голомт банкинд ажилладаг ажилтны албан ёсоор авсан тусгай зөвшөөрөл байсан аж. Харин хэрэгт холбогдсон Б нь Голомт банкны ойролцоо зогсоолд байсан машины QR кодтой тусгай зөвшөөрлийн зургийг гар утсаараа дарж авсан байна. Ингээд гэртээ очиж автомашиных нь дугаарыг өөрийнх болгон засч янзалж хэвлэсэн байжээ.

Тиймээс түүнийг замын хөдөлгөөнд оролцохдоо хуурамч гэдгийг мэдсээр байж QR код бүхий тусгай зөвшөөрөл ашигласан гэмт хэргийг үйлдсэн гэж үзжээ. Тодруулбал Эрүүгийн хуулийн тусгай ангийн 23.2 дугаар зүйлийн 1 дэх хэсэгт заасан тусгай зөвшөөрлийг хуурамчаар үйлдсэн, хуурамч гэдгийг мэдсээр байж ашигласан гэмт хэргийг үйлдсэн гэм буруутайд тооцож, 450 мянган төгрөгөөр торгосон байна.

Ийнхүү нэгэн залуу хуулийн хариуцлага хүлээнэ гэдгээ ухамсарлахгүйгээр, эхнэрээ эмнэлэгт үзүүлэхийн тулд хийсэн хууль бус үйлдэл нь түүнийг эрүүгийн хэрэгт холбогдсон хар түүхтэй болгож орхив.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

13 Сэтгэгдэл

  1. Уг нь бол үнэн учраа хэлээд нотлоод явж болж байна лээ. Цагдаач хүн шүү дээ. Хуурах з####илах хэрэггүй байсан юм

  2. баригдахгүй олон хүн явж байгаа. Жолооны үнэмлэхээ согтуугаар жолоодсон гэх ш####тгаанаар хура####гачихаад хүний үнэмлэх ашиглаад хөдөлгөөнд байнга оролцдог. Цагдаад хэлэхээр үйлдэл дээрээ баригдаагүй бол хамаагүй буюу ш####гахад үнэмлэхтэй байсан. Өөрийнх нь үү гэдгийг мэдэхгүй. Тэгэхээр цагдаад гол учир нь байгаа биш. З####илж ####иваа хууль зөрчсөн үйлдэл хийж болдог вм байнга гэсэн ойлголттой хүмүүс их болжээ. Үнэнээ хэлж учраа ойлгуулдаг ухамсартай иргэд цөөхөн байна.

  3. Huilaa dagaj chadaagui bol zuv shdee.davartsan huduus oroj ired neg huiven surguilhan tugsuud.hotot uldcheed huil zurchunu ta naras buh boloj butehgui yumnud garah yum da.huduuni buh hun ork bishee.buduuleg niigemshij chadaagui humus l ork shdee.gehdee hotot uldsen huduunihen buduuleg bas uhamsar bhgui ihenh ni shuu.bugd bish

  4. За аа больж үз .Хүн ####ж хүрээгээр нь т####цан биш.Хулгайч, авилгач , офшорчид ,урвагчидтайгаа эхлээд хатуу хуулиа батлаад хэрэгжүүлчихээд иргэддээ зөрчлийн хуулиар шийтгэвэл зохилтой.

  5. Цаана чинь хэдэн тэрбумаар нь хулгай ,луйвар хийж,авилг#### авч улс орныг цөлмөж байхад үхсэн ацны чинь QR -код вэ.Наад хошногоны цаас чинь одоо юунд хэрэгтэй гэж м####нуудаа.

  6. Мэдсээр байж хуурамчаар төрийн бичэг баримтыг хуурамчаар үйлдсэн байхад хуулийн хариуцлага хүлээхгүй нь зүйн хэрэг .

  7. Үнэнээ хэлээд явб#### зүгээр л байсан. гэмт хэрэг мөн шүү дээ. Өөрийгөө ойлгуулж сур бу######д бүү буруугаа нялзаа. Хүн болгон ингэх юм бол хууль хөл хорио болохгүй шүү. Ядаж түргэн дуудсан дуудлагаа харуул.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button