Усны мандлаас дээш нэг метрийн өндөрт агаарт хөвж буй нэгэн усан онгоцны зураг цахим орчинд түгж, олон хүний гайхшралыг төрүүлээд буй. Уг зургийг Корнуоллын Фалмутын эрэгт дарсан гэх бөгөөд учир битүүлэг зургуудын жагсаалтад оруулаад байна.
Тэгвэл уг оптикын төөрөгдлийг Фата Морганагийн үзэгдлээр тайлбарлажээ. Тэнгис орчмын агаар мандал нарны гэрэлд халж, температурын өөрчлөлт гарах үед үүсэх үзэгдэл аж.
ВВС агентлагийн цаг уурч Дэвид Брейн хэлэхдээ: "Тэнгис орчмын агаар мандалд халалт үүсч, далайн хүйтэн устай харших үед уг үзэгдэл үүсдэг. Учир нь хүйтэн агаар дулаан агаараас илүү нягт байдаг. Тиймээс эрэг дээр зогсож буй хүнд далайн мандал дээрх обьектийн өнцөг өөр харагддаг ” гэжээ.
Тэрбээр “The Sun&”сонинд өгсөн ярилцлагадаа: “Анх завины зургийг хараад маш их төөрөлдсөн учир хоёр ч удаа тухай газар руу зорчсон. Ингээд шалгахад энэ нь ердөө л гайхалтай оптик хуурмаг зүйл болохыг анзаарсан” гэжээ.
Эх сурвалж: www.dailystar.co.uk
О.ЭНЭРЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.