Төрийн албан тушаалтнууд хоорондоо гэрээ, санамж бичиг байгуулдгийг таслан зогсоох үүрэг өгчээ
Ерөнхий сайд Л.Оюун-Эрдэнэ Төрийн албаны зөвлөлийн дарга, гишүүдтэй уулзан төрийн албаны шинэчлэл болон хуулийн хэрэгжилтийн талаар ярилцлаа.
Уулзалтаар Ерөнхий сайд төрийн албаны ангиллыг шинэчлэх, ялангуяа боловсрол, эрүүл мэндийн салбарыг онцлон анхаарах, улсын хэмжээнд төрийн албаны бүтэц, чиг үүргийн шинжилгээ хийх, төрийн өмчит үйлдвэрийн газруудыг төрийн ямар ангилалд хамруулах, албан хаагчдын ажлын чадвар, ёс зүй, хандлага, хариуцлагын асуудлыг сайжруулах, ажлын үнэлгээг бодитой болгон, гүйцэтгэлд үндэслэсэн цалин хөлсний тогтолцоонд шилжих, гадаадад ажиллаж байгаа болон улсын зардлаар гадаадад суралцсан залуусыг төрийн албанд ажиллуулдаг зохицуулалт хийх, цахим технологийг төрийн албанд нэвтрүүлж, нэгдсэн мэдээллийн сан, системтэй болгох талаар онцлон ярилаа.
Төрийн албаны зөвлөлөөс шинэ хуулийн хэрэгжилтийг зохион байгуулж байгаа ажил болон хэрэгжүүлэхээр төлөвлөж буй үйл ажиллагааны талаар дэлгэрэнгүй мэдээллийг өглөө.
Түүнчлэн төрийн албан хаагчийн ёс зүй, ажлын гүйцэтгэлийг цахимжуулах ажлуудыг зарим орон нутагт өөрсдийн санаачлагаар эхлүүлэн хэрэгжүүлж байгаа сайн туршлага байгааг дурдаж байлаа. Төрийн албаны шалгалт бүрэн цахим хэлбэрт шилжсэн, төрийн албан хаагчдын мэдээллийн нэгдсэн санг шинэчлэн өөрчилж байгаа талаар мэдээлсэн.
Сүүлийн жилүүдэд Төрийн албаны зөвлөлд ирж буй өргөдөл гомдлын тоо нэмэгдэж байгаа,хууль журам дүрмийн биелэлт хаа хаанаа зарим талаар хэрэгжихгүй байгааг мөн дурдав.
Ерөнхий сайдаас төрийн албаны бүтэц, чиг үүргийн хуваарилалт, давхардал, ангиллыг шинэчлэх зураглал гаргах, эрх зүйн шинэчлэлийн төсөл боловсруулах, төрийн албаны ёс зүйг сайжруулах, харилцан бэлэг солилцдог, төрийн байгууллага албан тушаалтнууд хоорондоо гэрээ, санамж бичиг байгуулдаг явдлыг таслан зогсоох, төрийн ажлын нарийвчилсан стандарт, дүрмийн төсөл боловсруулах зэрэг чиглэлээр Төрийн албаны зөвлөлд үүрэг өглөө.
Уулзалтад Засгийн газрыг төлөөлж Ерөнхий сайд Л.Оюун-Эрдэнэ, Ерөнхий сайдын зөвлөх Ж.Энхбаяр, Л.Цэдэвсүрэн, Э.Болормаа, Засгийн газрын хэрэг эрхлэх газрын дарга Ц.Нямдорж оролцсон бол Төрийн албаны зөвлөлийн дарга Б.Баатарзориг, Төрийн албаны зөвлөлийн гишүүн С.Цэдэндамба, Д.Баатарсайхан, Д.Идэрчулуун нар оролцлоо.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хөдөлмөр х�##�амж үйлчилгээний ерөнхий газрыг хөгжлийн бэрхшээлтэй хүний ерөнхий газартай нэгтгэх хэрэгтэй. Хөгжлийн бэрхшээлтэй хүний ерөнхий газар гэж хэрэггүй агентлаг байгуулж х�##�амжийн үйлчилгээний асуудлыг давхардуулсан. Зүгээр л ажилгүй хэдэн төрийн �##�бан хаагч нэмэгдсэн шүү.
Улсын их хурлаас байгууллагддаг байгууллагад Ерөнхий сайд үүрэг өгссөн нь үнэн бол Үндсэн хууль зөрчсөн хэрэг болж, огцрох үндэслэл болно. Хэвлэл мэдээллийн �##�ба нь бэлтгэсэн мэдээллээ нягтлаарай.
Төрийн �##�баны зөвлөл МАН-ын төрийн �##�баны зөвлөл болсон ш дээ. Оюун-Эрдэнэ мэдэж байгаа юм �##�га. Хажууд байгаа зөвлөхүүд гэж даргад та�##�агдахыг бодохоос хууль дүрэм мөрдөхийг мэддэггүй, мэдэхийг хүсдэггүй бололтой