Эрүүл мэндийн яам мэдээлэл хийх үеэрээ ХӨСҮТ-ийн Тандалт, судалгааны албаны дарга Ж.Байгалмаа сэтгүүлчдийн асуултад хариулав.
Тэрбээр “Олон улсад халдварын тархалтыг дөрөв ангилж байна.
- халдвар бүртгэгдээгүй,
- гадаадаас зөөвөрлөгдсөн,
- голомтолсон буюу тодорхой байршлуудад халдвар бүртгэгдсэн,
- хүн амын дунд халдвар өргөн тархсан хэмээн ангилж байгаа юм.
Улаанбаатар хотын тухайд, хүн амын дунд халдвар өргөн тархсан гэсэн ангилалд багтана. Энэ үед багтсан бол хөл хорио тогтоох ёстой. Бид мэргэжлийн байгууллагын хувьд хөл хорио тогтоох, Бүх нийтийн бэлэн байдлын зэрэгт шилжих шаардлагатай гэсэн саналаа тогтмол өгөөд явж байна” гэсэн юм.
