Өмнөд Африкт хулгайн анчин заанд дэвслүүлж үхжээ
Өмнөд Африкийн үндэсний цэцэрлэгт хүрээлэн ням гарагт мэдээлснээр Кругер хүрээлэнд хулгайн ан хийдэг байсан этгээд заанд дэвслүүлж үхсэн байна.
Кругер үндэсний хүрээлэнгээс гурван сэжигтэй этгээд хамгаалагчдаас зугтаж байхдаа зааны сүрэг дунд орсон аж. Сэжигтнүүд өөрсдийг нь тус хүрээлэнгийн хамгаалагч нар дагаж байгааг анзааран зугтахдаа сүх гэх мэт эд зүйлстэй цүнхээ үлдээсэн байна. Хүрээлэнгийн хамгаалагчид Өмнөд Африкийн цагдаагийн албанаас туслалцаа авч сэжигтнүүдийн нэгийг нь барьсан аж.
Баривчлагдсан сэжигтэн хамгаалагчдад хэлэхдээ зугтан явж байхдаа тэд зааны сүрэг дунд орсон бөгөөд үлдсэн хоёр этгээдэд юу тохиолдсоныг мэдэхгүй байна хэмээжээ. Хүрээлэнгийн хамгаалагчид тэдний нэг нь заанд дэвслүүлсний улмаас нас барсан байдалтай олсон байна. Харин үлдсэн сэжигтэн нүдэндээ бэртэлтэй зугтсан гэж хамгаалагчид үзэж байгаа юм.
Мөн өнгөрсөн ням гарагт (2021.04.18) өөр гурван хулгайн анчдыг буутай байхад нь Кругер үндэсний хүрээлэнд баривчилсан байна.
Эх сурвалж: CNN
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Goyo. Manai nutagt naadaxyg chini goxi gedeg yum daa