ДАШТ-2021: Л.Өнөболд эхний тойрогт яллаа
Жүдо бөхийн насанд хүрэгчдийн 2021 оны ДАШТ Унгарын нийслэл Будапешт хотод өнөөдөр эхэллээ. Энэ сарын 6-13-нд үргэлжлэх, 118 орны 665 (эрэгтэй 387, эмэгтэй 287) жүдоч эрэгтэй, эмэгтэйчүүдийн тус бүр долоон жин, багийн барилдаанд өрсөлдөж байна.
Хуваарийн дагуу ДАШТ-ий эхний өдөр эмэгтэйчүүдий 48 кг-д дэлхийн аварга, Гавьяат тамирчин М.Уранцэцэг, ОУХМ Г.Наранцэцэг, эрэгтэйчүүдийн 60 кг-д Л.Өнөболд нар барилдаж байгаа юм.
Манай тамирчдаас хамгийн түрүүнд дэвжээнд гарсан Г.Наранцэцэг эхний тойрогт Сербийн бөх Милика Николичид ялагдан, тэмцээнээ дуусгасан.
Тэгвэл түүний дараа эрэгтэйчүүдийн 60 кг-д өрсөлдөж буй “Женко” клубийн бөх Л.Өнөболд эхний тойрогт Украины жүдоч Дилшот Халматовыг яллаа. Тэрбээр удаах даваанд АНУ-ын бөх Адонис Диазтай барилдана.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.