Хууль зүйн байнгын хорооны хуралдаан өнөөдөр /2021.07.06/ 09:00 цагт эхэлсэн. Хуралдаанаар АТГ-гы дэд даргаар Г.Азжаргалыг томилох эсэх томилгооны сонсголыг хийж байна. Гишүүд асуулт асууж, хариулт авч байна.
УИХ-ын гишүүн Ц.Мөнх-Оргил “Монгол Улс авлигын индексээр яагаад ийн өндөр байгаа юм бэ. Авлига, хээл хахуул яагаад нэмэгдээд байна гэж бодож байна вэ. Шүүгч нарт дагалддаг бэлэг сэлт, тушаал зааврыг нь биелүүлж байдаг шүүгч, цагдаагийн ажилчид, АТГ-ын ажилчдад ямар хариуцлага тооцох вэ. Төрд нэг удаа ажил хийж үзээгүй хүн улстөрийн нөлөө бүхий албан тушаалтан болоод ял өгөөд явж байгаа асуудлыг хэрхэх вэ. Авлига, албан тушаалын гэмт хэрэгтэй тэмцэх Эрүүгийн хуулийн 22.10 болон 22.11 дэх заалтын дагуу хэрэг мөрдөж прокурорт шилжүүлж байсан удаа бий юу” хэмээн асуусан юм.
Түүний эл асуултад нэр дэвшигч Г.Азжаргалыг хангалтгүй хариулсан гэж үзэж, тэрбээр “Монгол Улсад авлигын асуудал яагаад буурахгүй байгаа тухай асууж байхад байр хэвээрээ байна гэх юм. Мөн шүүгчдийн талаар хувийн үзэл бодлоо хэлж болохгүй гэж байна. Би чиний хувийн үзэл бодлыг асуугаагүй. Г.Азжаргал аа хариултууд чинь жулдаад байна, зоригтой бай. Үзэл бодлоо чөлөөтэй илэрхийл. Битгий баригд. Том дуугарч байж төрийн босгыг давж орж ирдэг юм шүү” хэмээсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Алуурчин Мөнх оргил