Гамшгийн эрсдэлийг бууруулах үндэсний зөвлөлийн хуралдаан үргэлжилж буй. Хуралдааны үеэр Эрүүл мэндийн сайд С.Энхболд ковидын үеийн нөхцөл байдлын тухай танилцууллаа. Тэрбээр хэлэхдээ:
"Хүчилтөрөгч өтгөрүүлэгч, пульсоксиметр, амьсгалын аппарат зэрэг худалдан авалтуудыг сүүлийн нэг сар хийсэн. Иймд тоног төхөөрөмжийн асуудал одоогоор үүсэхгүй. Мөн улсын хэмжээнд байгаа 27 мянган орны 14,500-г ковидын үед зориулан дэлгэсэн. Гол анхаарах асуудлын нэг дельта вирус байна. Дельта вирус нь дэлхийн 124 улсад тархсан. Халдварлах чадвар нь Альфа хувилбараас 60%-аар их гэдэг нь судалгаагаар тогтоогдсон. Мөн ковидын халдвараар өвчлөөд эдгэрсэн хүн дельта вирусээр өвчлөх өндөр эрсдэлтэй байгаа” гэв.
О.ЭНЭРЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.