“Манчестер Сити”-гийн хамгаалагч Бенжамин Менди хүчингийн хэрэгт холбогдов

Английн “Манчестер Сити” хөлбөмбөгийн клубын хамгаалагч Бенжамин Менди шүүх хуулийн асуудалд нэр холбогдлоо.

Английн Чеширийн цагдаагийн газраас иш татан мэдээлснээр тамирчныг 2020 оны аравдугаар сараас 2021 оны наймдугаар сарын хооронд 16-аас дээш насны гурван иргэнээс хөлбөмбөгчний нэр дээр гомдол ирсэн байна. Дөрвөн удаагийн хүчин, нэг хүчирхийллийн шинжтэй хэрэгт буруутгажээ.

Хэрэгтэй холбогдуулан “Манчестер Сити” клуб мэдэгдэл гаргасан бөгөөд Мендиг шүүх хурлын үеэр клубээс нь түдгэлзүүлжээ. “Манчестер Сити”-ийн зүгээс мөрдөн байцаалтын ажиллагаа дуустал өөр ямар нэгэн тайлбар өгөхгүй гэв.

Энэ улиралд 27 настай Бенжамин Менди хоёр ч удаагийн тоглолтод оролцсон.

(Эх сурвалж: sport.com)

Энэ мэдээнд өгөх таны үнэлгээ

Хуваалцаарай Жиргээрэй