Өнгөрсөн 2020 онд Европын Холбооны улс орнуудад хамгийн “үнэтэй”, хамгийн “хямд” архи согтууруулах ундааны үнэ 2,5 дахин зөрүүтэй байсныг Европын статистик судалгааны “Eurostat” байгууллагаас гаргажээ.
Үнийн бодлогод дүн шинжилгээ хийхдээ шинжээчид согтууруулах ундаа, дарс, шар айрагны үнийг харгалзан үзсэн байна. Европын Холбооны улс орнуудын хувьд уг индексийг 100 нэгжээр тооцжээ.
Хамгийн үнэтэй архи согтууруулах ундаа хэрэглэдэг гурван улс: Финланд–индекс оноо нь 193, Ирланд–181, Швед–166. Дараа нь Грек, Дани, Эстони оржээ.
Харин хамгийн хямд архи согтууруулах ундаа хэрэглэдэг гурван улсаар: Унгар–73, Румын–74, Болгар – 81. Тэдний араас Польш, Чех улсууд багтжээ.
Норвеги, Исланд нь Европын эдийн засгийн бүсэд багтдаг боловч архис согтууруулах ундааны үнийн харьцуулалтад хамруулаагүй байна. Эдгээр улсад согтууруулах ундаа нь жагсаалтыг тэргүүлсэн Финляндаас хамаагүй үнэтэй байдаг аж.
(Эх сурвалж: mignews)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
согтууруулах ундааны үнэ 2,5 дахин зөрүүтэй биш улсаар нь харьцуулсан индексийн дээд доод зөрүү бололтой, орчуулгаа ойлгоогүй бололтой.