НИЙГЭМ

Н.Уртнасан: “Тэрбум мод тарих” ажил энэ сард эхлээд 2030 он хүртэл үргэлжилнэ

Ерөнхийлөгчийн Тамгын газрын дарга Я.Содбаатар, Байгаль орчин, аялал жуулчлалын сайд Н.Уртнасан нар Монгол Улсын Ерөнхийлөгчийн гаргасан “Тэрбум мод тарих” шинэ зарлигийг танилцуулж байна. Уг мэдээллийн үеэр Байгаль орчин, аялал жуулчлалын сайд Н.Уртнасан:

“Ойжуулах, цөлжилтийн эсрэг төсөл хөтөлбөр хэрэгжүүлэх хүрээнд “Тэрбум мод тарих” ажлыг эхлүүлээд байна. Уг ажлыг гурван үе шаттайгаар 2021 оны аравдугаар сараас эхлэн 2030 он хүртэл хийхээр төлөвлөсөн. Тарьсны дараа орхих бус нэгдсэн усалгаажуулалтын системийг мөн шийдэхээр судалж байна. Үүнд гадаргын усны түвшин болон олон асуудлыг судлах шаардлагатай” гэв.

Ерөнхийлөгчийн Тамгын газрын дарга Я.Содбаатар:

“Тэрбум мод тарих ажил нь уур амьсгалын өөрчлөлт гээд олон асуудалд хийгдэх үйл ажиллагааны нэг хэсэг юм. 2021 оны нэгдүгээр сараас эхлэн Ойн агент байгуулах төслийг танилцуулахаар төлөвлөсөн. Дотоодын нийт бүтээгдэхүүний тодорхой хувийг байгаль орчныг дэмжих ажилд зориулдаг болгохоор ярьж байгаа.

Аравдугаар сарын 18 нь Уур амьсгалын өөрчлөлтийн конвенцийн уулзалт болно. Бид байгаль орчны чиглэлд дэлхийн хэмжээнд ажиллахаар зорьж байгаа. Мөн байгаль орчны чиглэлд ажиллах хүний нөөцийн бодлого чухал. Нэг жилд 100 сая мод тарихыг төлөвлөсөн. Гэвч эхний ээлжид төлөвлөгөө биелүүлэхэд учир дутагдалтай. Цаашид жилдээ 100 сая мод тарьдаг байх чадавхитай байх шаардлагатай” гэв.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Холбоотой мэдээ

2 Сэтгэгдэл

  1. Наадахчин яахвээ. Сайжруулсан шахм#### түлш олдохгүй бөөн оочир зодоон мод түлээд байжийн. Гэр хороолол, лагерийн иргэдчин короноогоор биш нүүрсгүй хөлдөж үхлээ хөөе.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button