Бээжингийн Өвлийн олимп-2022 ДЭЛХИЙ Нийгмийн

Бээжингийн Өвлийн олимпын наадмын бамбарыг үзэгчгүйгээр асаана

О. Анар2021-10-18

0 1 минут уншина

Greek actress Xanthi Georgiou, playing the role of the High Priestess, holds up the torch during the flame lighting ceremony at the closed Ancient Olympia site, birthplace of the ancient Olympics in southern Greece, Thursday, March 12, 2020. Greek Olympic officials are holding a pared-down flame-lighting ceremony for the Tokyo Games due to concerns over the spread of the coronavirus. Both Wednesday's dress rehearsal and Thursday's lighting ceremony are closed to the public, while organizers have slashed the number of officials from the International Olympic Committee and the Tokyo Organizing Committee, as well as journalists at the flame-lighting. (AP Photo/Thanassis Stavrakis)

Коронавирусийн цар тахал өвчин дэгдсэнтэй холбогдуулан Бээжин хотноо зохион байгуулагдах XXIV Өвлийн олимп-2022 наадмын бамбарыг үзэгчгүйгээр асаахаар боллоо. Олимпын бамбарын буухиа ч мөн богино зам туулах аж. Бамбар асаах ёслол нь өнөөдөр буюу аравдугаар сарын 18-нд Грек улсын Эртний Олимпын тосгон Пелопоннес арал дээр болно.

Бамбар асаах ёслолд Грекийн Ерөнхийлөгч Катерина Сакелларопулу, Олон Улсын Олимпын Хороо /ОУОХ/-ны Ерөнхийлөгч Томас Бах нар оролцоно. Үүний дараа Олимпын бамбар Грекийн нийслэл Афин хотын Акрополь өндөрлөг рүү шилжин тэндээ нэг хонох юм.

Аравдугаар сарын 19-нд бамбарыг түүхэн “Панатинаикос” цэнгэлдэх хүрээлэнд БНХАУ-ын төлөөлөгчдөд гардуулах ба ёслолд цанын тамирчин Параскеви Ладопулу оролцох аж. Үүний дараа бамбарыг тусгай чартерын нислэгээр БНХАУ руу хүргэнэ. Тэнд бамбарын буухиа хоёрдугаар сарын 4-нийг хүртэл үргэлжилж, Бээжингийн Өвлийн олимпын нээлтийн ёслол болно.

Аравдугаар сарын 4-ний өдөр Бээжингийн 2022 оны Өвлийн Олимпыг Зохион Байгуулах Хорооноос ОХУ-ын вакцинаар вакцин хийлгэсэн тамирчдыг тэмцээнд оролцохыг нь зөвшөөрч байгааг мэдэгдсэн. Олимпын наадамд оролцохын тулд вакцины бүрэн тунд хамрагдсан байх ёстой аж.

Есдүгээр сарын 30-нд Бээжингийн Өвлийн олимпыг Токио-2020 Зуны олимпын нэгэн адил гадаадын үзэгч, хөгжөөн дэмжигчидгүйгээр зохион байгуулна гэсэн мэдээлэл гарсан. Олимпын наадмын тасалбарыг зөвхөн Хятадын оршин суугчдад худалдах юм. Олимпыг эрсдэл аюулгүй зохион байгуулах үүднээс үзэгчгүй зохион байгуулахаар төлөвлөсөн гэнэ.

Вакцины бүрэн тундаа хамрагдсан тамирчдад хязгаарлалт тавихгүйгээр тэднийг шууд Олимпын наадамд оруулцах юм. Харин вакцинд хамрагдаагүй тамирчдыг 21 хоног тусгаарлах аж.

Өвлийн Олимп-2022 Бээжин хотноо хоёрдугаар сарын 4-нөөс 20-ны өдрүүдэд болох ба урьдчилсан мэдээллээр дэлхийн 95 орны 3 мянга гаруй тамирчин оролцох юм байна. Тэд 109 багц шагналын төлөө өрсөлдөнө.

(Эх сурвалж: Iz.ru)

Энэ мэдээнд өгөх таны үнэлгээ