“Фэйсбүүк” залуучуудад “гомджээ”
“Фэйсбүүк” нийгмийн сүлжээг залуучууд сонирхохоо больж байгааг дотоод судалгааны үр дүнгээс иш татан “Блүүмберг” /Bloomberg/ нийтэлжээ.
Өсвөр насныхан энэ сайтад 2020 онтой харьцуулахад 16 хувиар бага цаг зарцуулсан гэнэ. Залуучууд “Фэйсбүүк”-т таван хувиар бага хугацаагаар “суудаг” болсон байна. 2021 онд залуучуудын бүртгэлийн тоо эрс буурч, анх бүртгүүлсэн дундаж насыг авч үзвэл 19-20 байсан бол 24-25 болж өссөн гэж мэргэжилтнүүд “гомдолложээ”.
Компанийн мэргэжилтнүүд энэ үзэгдлийн шалтгааныг нэрлэж чадахгүй байгаа аж. Мөн мэргэжилтнүүд “Фэйсбүүк” хуудсыг залуучууд ашиглахгүй байх хандлага цаашид ч үргэлжлэнэ гэж хүлээн зөвшөөрөв.
“Фэйсбүүк” компани нэрээ өөрчилнө гэсэн мэдээлэл цацагдсан. “PavelGross.ru” домэйн брокер Павел Гросс-Днепровын хэлснээр “Фэйсбүүк” нэрээ “Meta.com” нэрлэх байх гэсэн таамгийг дэвшүүлсэн.
(Эх сурвалж: Lenta)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.