Малайзын эмэгтэйчүүдийн эмч Жон Тан Инг Чин дэлхийн анхны эрэгтэй, эмэгтэй аль ч хүйсийн хүн хэрэглэх боломжтой өвөрмөц бэлгэвч бүтээжээ. Энэ талаар “Рёйтерз” /Reuters/ агентлаг мэдээлжээ.
Шинэлэг зүйл нь бэлгэвчийг эмнэлгийн тусгай полиуретан материалаар хийсэн ба энэ нь шархны боолт хийхэд ашигладаг материал юм байна.
Тиймээс, ийм материалаар хийсэн бэлгэвч нь маш нимгэн, ус нэвтэрдэггүйгээс гадна энгийн латексаас харшил өгдөг хүмүүс хэрэглэхэд нэн тохиромжтой гэнэ.
Шинэ бүтэц нь ердийн бэлгэвчнээс ялгаатай ба бэлгэвчний амсар нь маш суналт сайтай мөн хэлбэр байдлыг нь янз бүрийн аргаар өөрчлөн углах боломжтой аж.
Ийм өвөрмөц бэлгэвчийг аль хэдийн худалдаан гаргасан ба нэг хайрцаг нь 3,6 доллар.
(Эх сурвалж: Reuters)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.