Холливудын од, жүжигчин Уилл Смит /Will Smith/ амиа хорлох тухай бодол толгойд нь орж ирж байсан гэдгээ хүлээн зөвшөөрөв. Жүжигчин энэ тухайгаа “The Best Shape Of My Life” /Миний амьдралын хамгийн сайхан зүйл/ гэх шинэ шоуныхаа трэйлэрийн үеэр ярьжээ. Трэйлерийг Энд дарж үзнэ үү.
Трэйлер дээр жүжигчин амьдралынхаа үндсэн “проблем”-уудаа тодорхойлж чадсан тухайгаа ч хуваалцжээ. Уилл Смит өөрийнхөө сэтгэл санаа, сэтгэцийнхээ байдалд анхаарлаа хандуулах ёстойг ойлгож ухаарсан гэдгээ ч ний нуугүй ярьсан байна.
Тэрбээр хэлэхдээ, “Амьдралдаа би ганц л удаа амиа хорлох талаар бодож байсан” гэдгээ хэлжээ. Тэр талаараа шинээр гарах хөтөлбөрийнхөө нэг дугаарт илүү дэлгэрэнгүй ярина гэдгээ ч амлав.
Уилл Смитийн шинэ нэвтрүүлэг долоо хоногийн дараа цацагдах аж. Тэрбээр энэ шоу бол түүний хувьд илүүдэл жингээсээ салах “аялал” болсон гэв.
(Эх сурвалж: News Yahoo)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.