Өвлийн олимпод оролцох Германы бобслейчид Хятадад мах идэхгүй гэлээ
Германы бобслейн тамирчин Франческо Фридрих болон түүний хамтрагч Торстен Маргис нар өвлийн олимпод оролцохоор Бээжин хотноо хүрэлцэн ирсэн ба тэд Хятадад мах идэхээс татгалзжээ.
Бобслейн тамирчдын эл шийдвэр нь допингийн өмнөх шинжилгээтэй холбоотой хэмээн Германы баг тамирчдын эмч Кристиан Шнайдер тайлбарлав. Үүнтэй холбоотойгоор Германы Допингийн эсрэг үндэсний агентлагаас энэ сэдвээр тамирчдад хандан уриалга гаргалаа.
“Олимпын наадам ойртож байгаа энэ үед урьдчилан сэргийлэх арга хэмжээ авах нь чухал. Өсөлтийн гормоныг янз бүрийн улс орнууд, тэр тусмаа Хятадад мах үйлдвэрлэхдээ ихээр ашигладаг. Ийм бодисыг допингийн шинжилгээгээр илэрдэг. Тиймээс, баг тамирчдыг допинг хэрэглэсэн хэмээн буруутгах эрсдэлтэй” хэмээн эмч Шнайдер хэлэв.
(Эх сурвалж: Xinhuanet)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.