Өмнөд Солонгос цэргийн мөргөлдөөнд орох дээрээ тулвал Пхеньян цөмийн зэвсэг хэрэглэнэ хэмээн БНАСАУ буюу Умард Солонгосын удирдагч Ким Жон Уны төрсөн дүү, Хөдөлмөрийн намын Төв хорооны хэлтсийн дэд дарга Ким Ё Жон мэдэгдлийг өчигдөр /2022.04.04/ хийлээ.
Өмнөд Солонгосын Батлан Хамгаалахын сайд Со Ук Умард Солонгосоос урьдчилан сэргийлэх цохилт өгөх талаар ярьсан нь маш том алдаа хэмээн Ким Ё Жон тэмдэглэв.
Ким Ё Жон: “Хэрэв Өмнөд Солонгос цэргийн мөргөлдөөнд орвол манай цөмийн зэвсэгт хүчин үүргээ биелүүлэх нь гарцаагүй”.
Ким Жон Ун удирдагчийн төрсөн дүү тэрбээр удаа дараа өдөөн хатгалга явуулах, эсхүл Солонгос хоорондын харилцааг хурцатгах нь ноцтой үр дагаварт хүргэж болзошгүйг Өмнөдийнхний эрх баригчдад анхааруулсан билээ.
Түүний эл анхааруулгыг Өмнөдийнхөн “шантааж” хэмээн дүгнэсэн. Үүний хариуд Өмнөд Солонгосын Засгийн газар Умардынхны эрх баригчдад хандан бүс нутагт хурцадмал байдлыг хурцатгахгүй байхыг мөн уриаллаа.
Эх сурвалж: Regnum
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.