Австралийн ток-шоугаар BTS-ийн Ким Тэхёныг доромжлов
Өмнөд Солонгос нэгэн шуугиан дэгдээд байна. Австралийн ток-шоугаар “BTS” хамтлагтай холбоотой зохисгүй хошигнол гарсан байна.
Өмнөд Солонгос нэгэн шуугиан дэгдээд байна. Австралийн ток-шоугаар “BTS” хамтлагтай холбоотой зохисгүй хошигнол гарсан байна.
Тодруулбал, дөрөвдүгээр сарын 4-нд Австралийн “The Project” ток-шоу нэвтрүүлэг “Твиттер” хуудсандаа “Грэмми”-гийн шагнал гардуулах ёслолын видео бичлэгийн хэсгээс нийтлэжээ. Ингэхдээ “BTS” хамтлагийн гишүүн V буюу Ким Тэхён өөр уран бүтээлчийн тоглолтыг үзэж шагширч, гараа аман дээрээ байрлуулахад нь компьютер график ашиглан “SARS-CoV-2” коронавирусийн молекулуудыг дуучны царайнд нэмсэн байна.
Австраличуудын энэ үйлдэл нь Ази хүмүүсийг коронавирусийн халдварын эх үүсвэр гэж үздэг барууны арьс өнгөөр ялгаварлан гадуурхах үзлийн нэг илрэл яах аргагүй мөн. Тиймдээ ч, ток-шоуныхны ийм бусармаг үйлдлийг сошиалаар шүүмжилж эхэлсэн байна.
Олон нийтийн зүгээс нэлээдгүй шүүмжлэлд өртсөн тул төслийнхөн тус бичлэгээ ямар ч тайлбаргүйгээр устгажээ. Харин хамтлагийн шүтэн бишрэгчдийн зүгээс арьс өнгөөр ялгаварлан гадуурхсан эвлүүлэг санаатай хийсэн үйлдэлдээ “BTS” хамтлагаас, Ким Тэхёноос албан ёсоор уучлалт гуйхыг шаардаж эхэллээ.
Эл үйлдэл нь Австралийн хэвлэл мэдээллийнхний хувьд анхны тохиолдол биш юм. Австралийн хэвлэл мэдээллийнхэн Өмнөд Солонгосын эсрэг арьс өнгөөр ялгаварлан гадуурхах үзлээр хандсаар ирсэн.
Үүнтэй төстэй өөр нэг жишээ дурдахад, 2019 онд “BTS” хамтлаг “20 to One” шоугаар “Дэлхийн хамгийн агуу галзуурал” жагсаалтад орох үед Британи-Ирландын хошин шогийн жүжигчин, хөтлөгч Жимми Карр хамтлагийн талаар ярихдаа “Би хэзээ ч ийм хамтлаг байдаг гэдгийг сонсож байгаагүй” хэмээн бүдүүлгээр хошигнож “Хэрвээ Ким Жон Ун эрэгтэй хүнийг сонирхдог байсан бол Солонгосын дайн дуусах ч байсан байж магад” хэмээн Өмнөд Солонгосын К-Поп эрэгтэй оддыг даапаалж, “доош нь хийж” байсан удаатай.
Эх сурвалж: Daily Mail
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ингэх нь буруу