“Boom”: NBA-д Монголын нэрийг дуурсгах мөрөөдөлтэй Шаравжамцын Энхийн-Од

Монголын сагсан бөмбөг сонирхогч хүүхэд залуус дэлхийн хэмжээнд өрсөлдөх бүрэн боломжтойг Ш.Энхийн-Од нотолсоор буй. Хамгийн сүүлийн жишээ "Nike" компаниас жил бүр зохион байгуулдаг “The Nike Hoop Summit” арга хэмжээ байлаа.

Уг тэмцээн дөрөвдүгээр сарын 8-ны өдөр Портланд хотын Мода центрт болов. АНУ-ын шилдэг залуу сагсан бөмбөгчдийн эсрэг дэлхийн шилдэг залуу сагсчид энэхүү тоглолтод өрсөлдсөн юм. Харин Монгол Улсаас Ш.Энхийн-Од дэлхийн шилдгүүдийн эгнээнд нэгдэн тогложээ. Уг тэмцээн ач холбогдол өндөр учир NBA-ийн талбайд дуудагдах том боломжийг залууст нээж өгдөг.

Ингээд Шаравжамцын Энхийн-Одын тухай 14 баримтыг хүргэж байна.

1. Ш.Энхийн-Од Монгол Улсын шигшээ багт дуудагдав.
2. 2002 оны наймдугаар сарын 27-нд төрсөн. Одоо 20 настай.
3. Тэрээр 207 см өндөр, дэлхийн хэмжээнд ур чадвараа хөгжүүлж яваа залуу сагсан бөмбөгч.
4. Гэр бүлийнхэн нь бүгд спортынх бөгөөд түүний аав 1994 оноос сагсан бөмбөг тоглож эхэлсэн.
5. Харин ээж нь залуудаа волейбол тоглодог, өндөр үсрэлттэй тамирчин байв.
6. Ах нь Этүгэн их сургуулийн сагсан бөмбөгийн шигшээ багийн гишүүн байсан.
7. Ш.Энхийн-Од долоон наснаасаа эхлэн сагсан бөмбөгөөр хичээллэж эхэлсэн.
8. АНУ-ын Огайо мужийн Дэйтон хотын “Legacy Christian Academy” хувийн сургуульд тэтгэлгээр суралцдаг.
9. Манай улсаас “NBA”-д очиход хамгийн ойр яваа тамирчин.
10. АНУ-ын шилдэг залуу сагсан бөмбөгчдийн эсрэг дэлхийн шилдэг залуус тоглох тоглолтод сонгогдсон.
11. Тэрээр "ESPN"-ийн шилдэг 100 сагсан бөмбөгчийн нэгээр нэрлэгдсэн.
12.  Ш.Энхийн-Од нэгэнтээ ''Надад шантрах үе олон гардаг байсан ч багаасаа их шартай хүүхэд байсан тул тэр маань нөлөөлж их хурцалж өгдөг юм шиг санагддаг'' хэмээж байв.
13. Түүний өндөр болохыг багаас нь мэддэг байсан тул аав нь холбогчийн байрлалд бэлтгэдэг  байсан.
14. Түүний мөрөөдөл NBA-д томоохон амжилт гаргаж Монголынхоо нэрийг дуурсгах.

СОНИРХОЛТОЙ ЗУРГУУД:

Д.МӨНХБАТ

Энэ мэдээнд өгөх таны үнэлгээ

Хуваалцаарай Жиргээрэй