Өмнөд Солонгос шинэ Ерөнхийлөгчтэй боллоо. Сонгуульд ялалт байгуулсан Юн Сок Ёль БНСУ-ын Ерөнхийлөгчийн тангарагаа өнөөдөр орон нутгийн цагаар 11:00 /Монголын цагаар 10:00/ цагт өргөж, үүрэгт ажилдаа орсон талаар “YTN” агентлаг мэдээллээ.
Юн Сок Ёль БНСУ-ын Үндэсний Ассамблейн өмнөх талбайд хүрэлцэн ирж, тангарагаа өргөлөө.
Тангараг өргөх ёслолд 40 мянга орчим зочид, төлөөлөгчид уригдсан хэмээн Өмнөд Солонгосын хэвлэлүүд онцолжээ.
Тус улсын Ерөнхийлөгчийн сонгууль гуравдугаар сарын 9-нд болж, "Ард түмний хүч" намаас нэр дэвшигч Юн Сок Ёль сонгогчдын 48,56 хувийн саналыг авч ялалт байгуулсан юм.
Юн Сок Ёль нь өдгөө 61 настай, хуульч, улстөрч мэргэжилтэй ба 2019-2021 онуудад тус улсын Еерөнхий прокуророор ажиллаж байсан юм.
Эх сурвалж: YTN
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
bayar hurgey