Украины Ерөнхийлөгч Володимир Зеленский дэлхийн хамгийн баян бизнес эрхлэгч, тэрбумтан Уоррен Баффетын төрсөн хүү Ховард Баффеттай Киев хотноо уулзжээ.
Тэдний уулзалтын гол сэдэв нь ОХУ-ын Украины эсрэг түрэмгийлэл, харгислалын талаар байсан ба В.Зеленскийн өөрийнх нь хэлснээр, Украинд “үнэ цэнтэй тусламж” үзүүлэх асуудлаар мөн хөндсөн байна.
В.Зеленский Ховард Баффетыг Одесса мужийг сэргээн босгох бүтээн байгуулалтын ажилд оролцохыг уриалсан байна.
Ховард Баффет бол Америкийн тэрбумтан, хамгийн алдартай хөрөнгө оруулагч Уоррен Баффетийн хүү. Түүний нэрээр нэрлэсэн “Ховард сан” нь дэлхийн байгаль орчин, усны нөөцийг хамгаалах, хөдөө аж ахуй болон эрүүл хооллолтын болон бусад төслүүдийг дэмжиж, санхүүжүүлдэг юм.
Эх сурвалж: NDTV
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.