Монгол залуу гүйлтийн бартаат замын тэмцээний аварга боллоо
"Спартан" бол дэлхийн 45 улсад зохион байгуулдаг цэргийн загвартай саадтай, тэсвэр тэвчээрийн хамгийн том тэмцээн юм.
12 дахь жилдээ зохион байгуулагдаж буй уг тэмцээнд бүх насныхан оролцох боломжтой бөгөөд олон төрлөөр дэлхийн аваргаа шалгаруулдаг өндөр зэрэглэлийн гүйлтийн бартаат замын тэмцээн болж чаджээ.
БНСУ-д болсон "Спартан 2022" тэмцээнд манай улсыг төлөөлж хилийн цэргийн тусгай 0303 ангийн бэлтгэл офицер хошууч, хөнгөн атлетикийн мастер Х.Баттүшиг "БИСТ" төрөлд өрсөлдөж тэргүүн байрыг эзэлжээ.
Бист төрөл нь уулын замаар 21 км турш 30 төрлийн саадыг туулах даалгавартай. Тэрээр уг даалгаврыг 2 цаг 10 минутанд туулсан амжилтаар тэргүүн байрыг эзэлсэн байна.
Х.Баттүшиг энэхүү тэмцээнд 2 дахь удаагаа оролцож байгаа бөгөөд эхний удаад "Супер" төрөлд IV байр эзэлж байжээ.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.