"Дээлтэй Монгол" наадам маргааш буюу долоодугаар сарын 8-ний 11:30-21:00 цагийн хооронд Сүхбаатарын талбай дээр болно. Үндэсний их баяр наадмын эхлэл болдог энэхүү хүндэтгэлтэй арга хэмжээний талаар мэдээлэл өгч байна.
Нийслэлийн Аялал жуулчлалын газрын дарга Д.Батсүх: "Дээлтэй Монгол" наадам 16 дахь жилдээ зохион байгуулагдах гэж байна. "Дээлтэй Монгол" наадмын хамгийн гол үйл ажиллагаа бол үндэсний хувцастай иргэдийн баярын жагсаал. Мөн үндэсний хувцасны загварын үзүүлбэрүүд явагдана. Ардын урлагийн тоглолт болон мэргэжлийн урлагийн байгууллагуудын мэндчилгээ болно. Мөн шилдэг дээл, хувцастай иргэдийг шалгаруулах, гадаадын жуулчдыг шалгаруулах уралдаан тэмцээнүүд болно. Дээл, хувцас монгол ахуй, соёлыг харуулсан зургаан гэр баригдах юм. Мөн уран бичлэг, уран хайчилбар зэрэг өв соёлын тоглолт болно.
Энэ жилийн нэг онцлог хөтөлбөр гэвэл 18:00-20:00 цагийн хооронд "Дээлтэй диско" буюу орчин үеийн хамтлаг, дуучид, DJ нарын тоглолт болно. Залуучуудыгаа урьж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.