Б.Жавхлан: "Хөтөл", "Эрэл", "Газ импорт" компанийн 466 тэрбумын зээлийг эргэн төлөх эх үүсвэр алга

Сангийн сайд Б.Жавхлан Хөгжлийн банкны чанаргүй зээлүүдийн талаар мэдээлэл өглөө.

Тэрбээр "Нэгдүгээр сарын сүүлээс хойш Хөгжлийн банк хуулийн хүрээнд татан буугдах хэмжээнд хүрсэн байсан. Засгийн газраас олон чиглэлээр ажиллаж байна. Хагас жилдээ 300 гаруй тэрбумын чанаргүй зээл төлүүлэх төлөвлөгөөтэй ажилласан. Тавдугаар сарын 30-ны байдлаар бэлэн мөнгөөр 481 тэрбм төгрөгийн муу зээл төлөгдлөө. Энэ жилдээ багтаад нэг их наядын зээл төлүүлчих төлөвлөгөөтэй байна.

Нөхцөл байдал амаргүй. Чанаргүй зээлүүдийн цаана бүтэлгүйтсэн төслүүд байдаг. Тэр бүгдийг төлүүлэхээр таван чиглэлээр ажиллаж байна.

Барьцаа хөрөнгөтэй шууд ажиллаж байна, Шүүхийн шийдвэрээр ажиллаж байна. Өмчийн эзэмшилд нь халдах, бүтцийн өөрчлөлт хийх байдлаар, мөн хослуулж ажиллаж байна. Түүнчлэн ямар ч барьцаа хөрөнгийн шаардлага хангахгүй болсон, эргэн төлөгдөх эх үүсвэр тодорхойгүй болсон гурван зээл байгаа юм.

Хөтөлийн 329 тэрбумын зээл. Хувьчилсан. Одоогоор зээл нь хаанаас яаж төлөгдөх нь тодорхойгүй шинэ нөхцөл байдал үүссэн нь харамсалтай. Гэхдээ бил ажиллаж байна.

Мөн Эрэл компанийн 129 тэрбумын зээл. Маш тодорхойгүй, эрсдэл өндөртэй байна. Барьцаа нь шаардлага хангахгүй. Зээлийн хөрөнгөөр бий болсон төсөл нь зогссон.

Гурав дахь нь "Газ импорт"компанийн 8 тэрбумын зээл. Барьцаа хөрөнгө нь тодорхойгүй. Ийм байдлаар чанаргүй зээлүүд дээр ажиллаж байна" гэлээ.

Энэ мэдээнд өгөх таны үнэлгээ

Хуваалцаарай Жиргээрэй